ຕາມ​ຂ່າວCRI:ວັນ​ທີ25ຕຸລາ​ນີ້,ກົມ​ສະ​ຖິຕິ​ແຫ່ງ​ຊາດ​ຈີນ​ໄດ້​ປະກາດ​ຕົວ​ເລກສະ​ແດງ​ໃຫ້​ເຫັນ​ວ່າ,​ໃນ3​ໄຕມາດ​ທຳ​ອິດ​ປີ​ນີ້,ຍອດ​ປະລິມານ​ຂາ​ເຂົ້າຂາ​ອອກ​ການ​ຄ້າ​ກັບ​ຕ່າງປະ​ເທດ​ຂອງ​ຈີນ​ມີ1500​ກວ່າ​ຕື້​ໂດ​ລາ,​ເພິ່ມຂຶ້ນຫຼາຍ​ກວ່າ20%​ເມື່ອ​ທຽບ​ກັບ​ໄລຍະ​ດຽວ​ກັນ​ຂອງ​ປີ2006, ໄດ້​ປຽບ​ດຸນ​ການ​ຄ້າ180ກວ່າ​ຕື້​ໂດ​ລາ.

ນັບ​ແຕ່​ປີ​ນີ້​ເປັນ​ຕົ້ນມາ,ການ​ຄ້າ​ລະ​ຫວ່າງ​ຈີນ​ກັບຄູ່​ການ​ຄ້າ​ຕົ້ນຕໍຂອງ​ຈີນ​ສືບ​ຕໍ່​ເພິ່ມຂຶ້ນ​ຢ່າງ​ວ່ອງ​ໄວ,​ໃນ3​ໄຕ​ມາດ​ທຳ​ອິດ​ປີ​ນີ້,ປະລິມານ​ການ​ຄ້າ​ຈີນ​ກັບ​ສະຫະພາບ​ເອີ​ລົບ,ອາ​ເມ​ລິ​ກາ,ຍີ່​ປຸ່ນ​ແລະ​ອາຊ​ຽນລ້ວນ​ແຕ່ຫຼາຍ​ກວ່າ​ຮ້ອຍ​ຕື້​ໂດ​ລາ.

ຕົວ​ເລກ​ຂອງ​ກົມ​ສະຖິຕິ​ແຫ່ງ​ຊາດ​ຈີນຍັງ​ສະ​ແດງ​ໃຫ້​ເຫັນ​ວ່າ,​ໃນ3​ໄຕ​ມາດ​ທຳ​ອິດ​ປີ​ນີ້, ຈີນ​ໄ​ດ້ນຳ​​ໃຊ້​ທຶນ​ຕ່າງປະ​ເທດ​ໃນ​ຕົວ​ຈິງຫຼາຍ​ກວ່າ47​ຕື້​ໂດ​ລາ,​ເພິ່ມຂຶ້ນ10%​ເມື່ອ​ທຽບ​ກັບ​ໄລຍະ​ດຽວ​ກັນ​ຂອງ​ປີ2006.