|
ທ່ານລິວຈ້ຽນຊ່າວກ່າວວ່າ,ການຍິງສົ່ງດາວທຽມ"ຊາງເອີເລກ1"ຢ່າງສຳເລັດຜົນແມ່ນຄວາມພະຍາຍາມຢ່າງໃຫຍ່ຫຼວງອີກເທື່ອໜຶ່ງຂອງປະຊາຄົມໂລກທີ່ພ້ອມກັນສຳຫຼວດອະວະກາດ
cri
Author: da
ຕາມຂ່າວCRI:ວັນທີ25ຕຸລານີ້ ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງ ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ, ການຍິງສົ່ງດາວທຽມ"ຊາງເອີເລກ1"ຢ່າງສຳເລັດຜົນແມ່ນຄວາມພະຍາຍາມທີ່ສຳຄັນອີກເທື່ອໜຶ່ງຂອງປະຊາຄົມໂລກທີ່ພ້ອມກັນສຳຫຼວດອະວະກາດ.
ວັນທີ24ຕຸລານີ້,ຈີນໄດ້ຍິງສົ່ງດາວທຽມສຳຫຼວດດວງຈັນ"ຊາງເອີເລກ1"ໜ່ວຍທຳອິດຢ່າງສຳເລັດຜົນ.ໃນເວລາຕອບຄຳຖາມຂອງນັກຂ່າວ ທ່ານລິວຈ້ຽນຊ່າວກ່າວວ່າ,ອະວະກາດແມ່ນຊັບສົມບັດຮ່ວມຂອງມວນມະນຸດ,ຄວນໃຊ້ເຂົ້າໃນເປົ້າໝາຍທາງ ສັນຕິພາບທັງໝົດ,ພະຍາຍາມສຸດຂີດສ້າງຄວາມສຸກໃຫ້ແກ່ມວນມະນຸດ.ພ້ອມກັນນັ້ນ ທ່ານສະແດງຄວາມເຊື່ອໝັ້ນວ່າ,ພາຍໃຕ້ການຮ່ວມມືແລະພ້ອມກັນທຳຄວາມພະຍາຍາມຂອງປະຊາຄົມໂລກ,ມວນມະນຸດຈະມີຄວາມຮູ້ກ່ຽວກັບອະວະກາດຢ່າງຈະແຈ້ງກວ່າເກົ່າ,ແລະຈະນຳໃຊ້ອະວະກາດສ້າງຄວາມສຸກໃຫ້ມວນມະນຸດໄດ້ດີກວ່າເກົ່າ.
|
|
