|
|
 |
| (GMT+08:00)
2007-10-25 19:52:19
|
 |
|
ຈີນຫວັງໃຫ້ອາເມລິກາຜ່ອນຄາຍການຄວບຄຸມຈຳກັດສິນຄ້າສົ່ງອອກຕໍ່ຈີນຢ່າງແທ້ຈິງ
cri
Author: da
ຕາມຂ່າວCRI:ວັນທີ25ຕຸລານີ້ ຢູ່ປັກກິ່ງ ທ່ານວັງຊິ່ນເພີຍ ໂຄສົກຖະແຫຼງຂ່າວຂອງກະຊວງການຄ້າຈີນກ່າວວ່າ,ຈີນຫວັງໃຫ້ອາເມລິກາຜ່ອນຄາຍການຄວບຄຸມຈຳກັດສິນຄ້າສົ່ງອອກຕໍ່ຈີນຢ່າງແທ້ຈິງ,ຊຸກຍູ້ໃຫ້ການຄ້າເຕັກນິກສູງຂອງຈີນແລະອາເມລິກາໄດ້ມີການຄືບໜ້າທີ່ມີລັກສະນະທາດແທ້.
ຕາມໄດ້ຊາບ,ພາຍໃຕ້ສະພາບທີ່ບໍ່ໄດ້ປຶກສາຫາລືກັບຝ່າຍຈີນຢ່າງເຕັມທີ່,ຝ່າຍອາເມລິກາໄດ້ເລີ່ມປະຕິບັດລະບຽບການ"ໃບຢັ້ງຢືນຜູ່ໃຊ້ສຸດທ້າຍ"(ຫຼືVEU)ທີ່ມີຈຸດປະສົງເພີ່ມທະວີການຄວບຄຸມຈຳກັດຜະລິດຕະພັນເຕັກນິກສູງທີ່ສົ່ງຂາຍໃຫ້ຈີນ.
ທ່ານວັງຊິ່ນເພີຍກ່າວວ່າ,ລະບຽບການດັ່ງກ່າວມີລະບຽບການອະນຸຍາດທີ່ສັບສົນ,ມີເງື່ອນໄຂອັນເຄັ່ງຄັດ,ໄດ້ວາງອຸປະສັກທີ່ບໍ່ສົມເຫດສົມຜົນແລະເງື່ອນໄຂເບື້ອງຕົ້ນເພີ່ມເຕີມໃຫ້ແກ່ການຄ້າປົກກະຕິລະຫວ່າງສອງປະເທດ,ໄດ້ທຳລາຍຄວາມພະຍາຍາມຂອງຈີນທີ່ເພື່ອຊື້ສິນຄ້າຈາກອາເມລິກາໃຫ້ຫຼາຍຂຶ້ນ.ຈີນສະແດງຄວາມບໍ່ພໍໃຈທີ່ສຸດຕໍ່ການກະທຳຂອງອາເມລິກາທີ່ປະຕິບັດລະບຽບການດັ່ງກ່າວແຕ່ຝ່າຍດຽວ.
ທ່ານວັງຊິ່ນເພີຍກ່າວວ່າ,ຈີນຫວັງວ່າ,ອາເມລິກາຄົງພິຈາລະນາຈາກຜົນປະໂຫຍດຍາວໄກຂອງສອງປະເທດ,ສ້າງເງື່ອນໄຂຜ່ອນຄາຍການຄ້າທີ່ບໍ່ສະໝ່ຳສະເໝີກັນລະຫວ່າງຈີນກັບອາເມລິກາ,ຊຸກຍູ້ໃຫ້ການພົວພັນເສດຖະກິດການຄ້າລະຫວ່າງຈີນກັບອາເມລິກາຂະຫຍາຍຕົວຢ່າງປອດໃສແລະຮອບດ້ານ.
|
|
|
