|
|
 |
| (GMT+08:00)
2007-10-26 10:48:54
|
|
ຈີນຕັ້ງໜ້າຊຸກຍູ້ການເຜີຍແຜ່ເຕັກນິກໄຖນາແບບອະນຸລັກທີ່ດິນ
cri
ຕາມຂ່າວສານຊິນຮວາ,ໃນຫຼາຍປີມໍ່ໆມານີ້,ເຕັກນິກໄຖນາແບບອະນຸລັກທີ່ດິນຂອງຈີນໄດ້ຮັບການເຜີຍແຜ່ແລະພັດທະນາຢ່າງບໍ່ຢຸດຢັ້ງ.ຕາມຄາດຄະເນວ່າ,ຮອດທ້າຍປີນີ້,ຈີນຈະໃຊ້ເຕັກນິກດັ່ງກ່າວໃນເນື້ອທີ່ຫຼາຍກວ່າ1ລ້ານ6ແສນເຮັກຕາ.
ເຈົ້າໜ້າທີ່ກະຊວງກະສິກຳຈີນແຈ້ງໃຫ້ຊາບວ່າ,ການໄຖນາແບບອະນຸລັກທີ່ດິນໝາຍເຖິງການໄຖນາໜ້ອຍຫຼືບໍ່ໄຖ,ແລະເອົາກ້ານຫຼືກົກຂອງພືດປູໜ້າດິນ.ເຕັກນິກນີ້ມີຜົນດີອັນເດັ່ນຊັດໃນການປ້ອງກັນບໍ່ໃຫ້ນ້ຳເຊາະດິນເຈື່ອນ,ແລະສາມາດຫຼຸດຕົ້ນທຶນໃນການໄຖນາໄດ້ປະມານ20%.ຍັງສາມາດປັບປຸງອົງປະກອບດິນປູກຝັງໃຫ້ດີຂຶ້ນແລະເພີ່ມປະລິມານທາດອິນຊີຂອງດິນປູກຝັງໃຫ້ຫຼາຍຂຶ້ນ.
ຕາມແຜນກຳນົດຂອງລັດຖະບານຈີນ,ຮອດປີ2010,ຈີນຈະໃຊ້ເຕັກນິກໄຖນາແບບອະນຸລັກທີ່ດິນໃນເນື້ອທີ່ຫຼາຍກວ່າ4ລ້ານເຮັກຕາ.
|
|
|
