|
|
 |
| (GMT+08:00)
2007-10-29 18:03:23
|
 |
|
ຈີນກັບອາຊຽນອອກຖະແຫຼງການຮ່ວມກ່ຽວກັບການຮ່ວມມືດ້ານຄວາມປອດໄພຂອງອາຫານ
cri
ຕາມຂ່າວCRI,ກອງປະຊຸມລັດຖະມົນຕີກະຊວງກວດກາຄຸນນະພາບຈີນ-ອາຊຽນຄັ້ງທຳອິດໄດ້ຈັດຂຶ້ນຢູ່ເມືອງນານນິງເຂດກວາງຊີຂອງຈີນໃນທີ28ຕຸລານີ້.ກອງປະຊຸມໄດ້ດຳເນີນເປັນເວລາ2ມື້.ວັນທີ29ຕຸລານີ້,ພາກສ່ວນກວດກາຄຸນນະພາບຂອງຈີນແລະ10ປະເທດອາຊຽນໄດ້ອອກຖະແຫຼງການຮ່ວມນາງນິງ.
ຖະແຫຼງການຂຽນວ່າ,ຝ່າຍຕ່າງໆຄວນຕັ້ງໜ້າຊຸກຍູ້ການແລກປ່ຽນດ້ານກົດໝາຍ,ມາດຕະຖານແລະຂໍ້ມູນຂ່າວສານກ່ຽວກັບຄວາມປອດໄພຂອງອາຫານ,ເພີ່ມຄວາມເຂົ້າໃຈກັນແລະຄວາມໄວ້ເນື້ອເຊື່ອໃຈກັນ,ເພີ່ມການຢ້ຽມຢາມແລະແລກປ່ຽນເຊິ່ງກັນແລະກັນລະຫວ່າງນັກວິຊາການຄຸ້ມຄອງແລະເຕັກນິກດ້ານຄວາມປອດໄພຂອງອາຫານ.ກ່ອນປະຕິບັດມາດຕະການໃໝ່ດ້ານຄວາມປອດໄພ ແລະມາດຕະການສັນຍາSPSຕໍ່ອາຫານຂອງຝ່າຍອື່ນໆ,ຝ່າຍທີ່ກ່ຽວຂ້ອງຄວນແຈ້ງໃຫ້ຊາບລ່ວງໜ້າ ເວັ້ນແຕ່ກໍລະນີສຸກເສີນ.ເພີ່ມທະວີການຮ່ວມມືລະຫວ່າງຝ່າຍຕ່າງໆ,ຕໍ່ຕ້ານການຄ້າອາຫານທີ່ຜິດກົດໝາຍ,ແລະປ້ອງກັນການກະທຳທີ່ຕັ້ງແກ້ງກໍ່ເຫດການຄວາມປອດໄພດ້ານອາຫານ.
ສັນຍາSPSແມ່ນສະມາຊິກອົງການການຄ້າໂລກເຊັນກັນໂດຍມີຈຸດປະສົງເພື່ອປົກປັກຮັກສາສຸກຂະພາບແລະຄວາມປອດໄພຂອງມະນຸດ,ສັດແລະພືດ,ຊຸກຍູ້ການຄ້າລະຫວ່າງຊາດໃຫ້ເສລີແລະສະດວກກວ່າເກົ່າ.
|
|
|
