|
ງານວາງສະແດງສິນຄ້າຈີນ-ອາຊຽນຈັດກິດຈະກຳໂຄສະນາຕໍ່ນັກທຸລະກິດຈີນທີ່ຢູ່ຕ່າງປະເທດເປັນເທື່ອທຳອິດ
cri
ຕາມຂ່າວສານຊິນຮວາ,ວັນທີ29ຕຸລານີ້,ໃນກອງປະຊຸມນັກທຸລະກິດຈີນທີ່ຢູ່ຕ່າງປະເທດເຕົ້າໂຮມກັນຢູ່ໃນງານວາງສະແດງສິນຄ້າຈີນ-ອາຊຽນ2007ແລະກອງປະຊຸມແນະນຳໂອກາດການຄ້າຂອງເຂດກວາງຊີທີ່ຈັດຂຶ້ນຢູ່ເມືອງນານນິງເຂດກວາງຊີຈີນ,ນັກທຸລະກິດຈີນທີ່ຢູ່ຕ່າງປະເທດກັບວິສາຫະກິດຈີນໄດ້ເຊັນໂຄງການຮ່ວມມືເສດຖະກິດ18ໂຄງການ,ຍອດມູນຄ່າມີເຖິງ386ລ້ານໂດລາ,ເຊິ່ງກ່ຽວພັນເຖິງຫຼາຍຂົງເຂດເຊັ່ນກະສິກຳ,ໂຮງແຮມແລະການປຸງແຕ່ງການຜະລິດເປັນຕົ້ນ.
ນີ້ແມ່ນເທື່ອທຳອິດທີ່ງານວາງສະແດງສິນຄ້າຈີນ-ອາຊຽນຈັດກິດຈະກຳໂຄສະນາໂອກາດການຄ້າຕໍ່ນັກທຸລະກິດຈີນທີ່ຢູ່ຕ່າງປະເທດ,ເຊິ່ງໄດ້ດຶງດູດນັກທຸລະກິດຈີນທີ່ຢູ່ຕ່າງປະເທດ200ກວ່າຄົນທີ່ມາຈາກ30ກວ່າປະເທດແລະເຂດແຄວ້ນໃນໂລກ.
ຂ່າວແຈ້ງວ່າ,ໃນຊາວຈີນທີ່ຢູ່ຕ່າງປະເທດ30ລ້ານກວ່າຄົນ,ມີປະມານ70%ຢູ່ປະເທດອາຊຽນ,ນັກທຸລະກິດຈີນທີ່ຢູ່ຕ່າງປະເທດໄດ້ກາຍເປັນຕົວສະແດງທີ່ສຳຄັນໃນການຊຸກຍູ້ການແລກປ່ຽນແລະການຮ່ວມມືລະຫວ່າງຈີນກັບອາຊຽນ.
|
|
