|
|
 |
| (GMT+08:00)
2007-10-30 20:47:38
|
 |
|
ຈີນສະແດງຄວາມບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ຜູ່ນຳການາດາທີ່ພົບປະກັບພະດາໄລລາມາ
cri
ຕາມຂ່າວCRI,ວັນທີ30ຕຸລານີ້,ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ປັກກິ່ງ,ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ຈີນສະແດງຄວາມບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ຜູ່ນຳການາດາທີ່ພົບປະກັບດາໄລລາມາ.
ທ່ານລິວຈ້ຽນຊ່າວກ່າວວ່າ,ການາດາບໍ່ເອົາຫົວຊານຳຈີນທີ່ຕໍ່ວ່າຕໍ່ຂານຢ່າງເຄັ່ງຂຶມຕັ້ງຫຼາຍເທື່ອ,ຊູຊີອະນຸມັດພະດາໄລລາມາໄປການາດາ,ແລະຈັດວາງຜູ່ນຳການາດາພົບປະກັບພະດາໄລລາມາແລະຈັດກິດຈະກຳທີ່ກ່ຽວຂ້ອງເພື່ອເຂົາ,ການກະທຳດັ່ງກ່າວໄດ້ຝ່າຝືນຫຼັກມາດຖານພື້ນຖານຂອງການພົວພັນລະຫວ່າງຊາດຢ່າງໜັກໜ່ວງ,ເປັນການແຊກແຊງວຽກງານພາຍໃນຂອງຈີນຢ່າງຮ້າຍກາດ.
ທ່ານລິວຈ້ຽນຊ່າວກ່າວວ່າ,ຈີນຄັດຄ້ານຢ່າງເດັດດ່ຽວມາໂດຍຕະຫຼອດຕໍ່ປະເທດໃດໆແລະບຸກຄົນໃດໆສວຍໃຊ້ບັນຫາພະດາໄລລາມາແຊກແຊງວຽກງານພາຍໃນຂອງຈີນ.ຈີນກ່າວຢ້ຳຫຼາຍເທື່ອແລ້ວວ່າ,ຕິເບດແມ່ນສ່ວນປະກອບທີ່ຕັດແຍກອອກຈາກຜືນແຜ່ນດິນຂອງຈີນບໍ່ໄດ້,ວຽກງານຕິເບດແມ່ນວຽກງານພາຍໃນຂອງຈີນທັງນັ້ນ.ຈີນຮຽກຮ້ອງໃຫ້ການາດາຢຸດເຊົາການປ່ອຍໄປຕາມໃຈແລະສະໜັບສະໜູນການເຄື່ອນໄຫວແບ່ງແຍກແລະຄັດຄ້ານຈີນຂອງອິດທິກຳລັງແຍກຕິເບດອອກຈາກຈີນໃຫ້ເປັນເອກະລາດ.
|
|
|
