|
ຫ້ອງການວຽກງານໄຕ້ຫວັນຂອງລັດຖະບານຈີນກ່າວວ່າ,ບົດລາຍງານຂອງທ່ານຫູຈິນທາວໃນກອງປະຊຸມໃຫຍ່ຄັ້ງທີ 17 ໄດ້ບັນລະຍາຍຄວາມເຈດຈຳນົງຕໍ່ບັນຫາສຳຄັນໃນການພົວພັນລະຫວ່າງ ສອງຝັ່ງ
cri
ຕາມຂ່າວສານຊິນຮວາ:ວັນທີ 31 ຕຸລານີ້,ທ່ານຢາງອີ້ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນກ່າວວ່າ,ບົດ ລາຍງານຂອງທ່ານເລຂາທິການໃຫຍ່ຫູຈິນທາວທີ່ກ່າວໃນກອງປະຊຸມໃຫຍ່ຄັ້ງທີ 17 ຂອງພັກກອມມູນິດຈີນໄດ້ບັນລະຍາຍເຈດຈຳນົງຕໍ່ບັນຫາສຳຄັນໃນການພົວພັນລະຫວ່ງສອງຝັ່ງ.
ໃນກອງປະຊຸມຂ່າວທີ່ຫ້ອງການວຽກງານໄຕ້ຫວັນຂອງລັດຖະ ບານຈີນເປັນຜູ່ຈັດຂຶ້ນ,ທ່ານກ່າວວ່າ,ແນວຄິດຊີ້ນຳແລະຄວາມຮຽກຮ້ອງຕ້ອງການໂດຍລວມຕໍ່ວຽກງານໄຕ້ຫວັນທີ່ນຳສະເຫນີໃນບົດລາຍງານຕໍ່ກອງປະຊຸມໃຫຍ່ຄັ້ງທີ 17ຂອງພັກ ນັ້ນແມ່ນຈະອີງຕາມທິດທາງທີ່ໂຮມປະເທດຊາດເຂົ້າເປັນເອກະພາບກັນໂດຍສັນຕິແລະປະເທດຫນຶ່ງສອງລະບອບແລະການພົວພັນສອງຝັ່ງແຫ່ງການພັດທະນາປະຈຸບັນ, ຍຶດຫມັ້ນຫຼັກການປະເທດຈີນດຽວຢ່າງບໍ່ຫວັ່ນໄຫວຄອນແຄນ, ຄວາມພະຍາຍາມເຕົ້າໂຮມປະເທດຊາດເຂົ້າເປັນເອກະພາບໂດຍສັນຕິຢ່າງບໍ່ລົດລະ,ຜັນຂະຫຍາຍ ທິດທາງທີ່ຝາກຄວາມຫວັງໄວ້ກັບປະຊາຊົນໄຕ້ຫວັນຢ່າງບໍ່ປ່ຽນແປງ, ຄັດຄ້ານການເຄື່ອນໄຫວແບ່ງແຍກທີ່ໃຫ້ໄຕ້ຫວັນເປັນເອກະລາດຢ່າງບໍ່ປະນີປະນອມເດັດຂາດ,ກຳຫົວຂໍ້ຕົ້ນຕໍແຫ່ງ ການພັດທະນາຂອງການພົວພັນລະຫວ່າງສອງຝັ່ງດ້ວຍສັນຕິວິທີຢ່າງຫມັ້ນແກ່ນ,ສ້າງບັນຍາກາດສັນຕິພາບໃຫ້ພາກພື້ນຊ່ອງແຄບໄຕ້ຫວັນ, ຮັກສາອະທິປະໄຕຂອງລັດແລະຜືນແຜ່ນດິນອັນຄົບຖ້ວນ, ຮັກສາຜົນປະໂຫຍດອັນເປັນພື້ນຖານຂອງປະຊາຊາດຈີນ.
|
|
