|
ຍອດມູນຄ່າການຄ້າລະຫວ່າງສອງຝັ່ງຊ່ອງແຄບໄຕ້ຫວັນ ບັນລຸເຖິງ693ຕື້300ລ້ານໂດລາ
cri
ຕາມຂ່າວສານຊິນຮວາ,ວັນທີ31ຕຸລານີ້,ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ປັກກິ່ງ,ທ່ານຢາງຢີ້ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນກ່າວວ່າ,ນັບມາຮອດທ້າຍເດືອນກັນຍາປີນີ້,ຍອດມູນຄ່າການຄ້າລະຫວ່າງສອງຝັ່ງຊ່ອງແຄບໄຕ້ຫວັນໄດ້ບັນລຸເຖິງ693ຕື້300ລ້ານໂດລາ,ນັບລວມແລ້ວ,ແຜ່ນດິນໃຫຍ່ ໄດ້ອະນຸມັດໂຄງການທີ່ນັກທະລຸກິດໄຕ້ຫວັນລົງທຶນນັ້ນ7ໝື່ນ4ພັນກວ່າໂຄງການ,ມູນຄ່າ4ລ້ານ5ແສນໂດລາ.
ສະຖິຕິສະແດງໃຫ້ເຫັນວ່າ,ນັບແຕ່ສອງຝັ່ງກຳຈັດສະພາບບໍ່ໄປມາຫາສູ່ກັນຈົນຮອດທ້າຍເດືອນກັນຍາປີນີ້,ປະຊາຊົນໄຕ້ຫວັນມາແຜ່ນດິນໃຫຍ່ມີເຖິງ45ລ້ານ8ແສນ5ໝື່ນເທື່ອຄົນ,ປະຊາຊົນແຜ່ນດິນໃຫຍ່ໄປໄຕ້ຫວັນຫຼາຍກວ່າ1ລ້ານ5ແສນ6ໝື່ນເທື່ອຄົນ.
ທ່ານຢາງຢີ້ກ່າວວ່າ,ໃນ20ກວ່າປີມານີ້,ຝ່າຍແຜ່ນດິນໃຫຍ່ໄດ້ຍຶດໝັ້ນໃຊ້ມາດຕະການອັນຕັ້ງໜ້າຢ່າງສະເໝີຕົ້ນສະເໝີປາຍ,ຊຸກຍູ້ການແລກປ່ຽນລະຫວ່າງສອງຝັ່ງ.ໂດຍສະເພາະແມ່ນນັບແຕ່ປີ2005ມານີ້,ນັບລວມແລ້ວ,ຝ່າຍແຜ່ນດິນໃຫຍ່ໄດ້ວາງນະໂຍບາຍແລະມາດຕະການ54ສະບັບທີ່ມີຜົນປະໂຫຍດຕໍ່ໄຕ້ຫວັນ.ໂດຍໄດ້ຮັບຜົນສະທ້ອນຈາກນະໂຍບາຍແລະມາດຕະການດັ່ງກ່າວ,ການແລກປ່ຽນແລະການໄປມາຫາສູ່ກັນໃນດ້ານຕ່າງໆ,ການຮ່ວມມືດ້ານເສດຖະກິດລະຫວ່າງສອງຝັ່ງໄດ້ຂະຫຍາຍຕົວຢ່າງບໍ່ຢຸດຢັ້ງ.
|
|
