|
|
 |
| (GMT+08:00)
2007-10-31 18:20:57
|
 |
|
ງານເອັກສໂປຈີນອາຊຽນຄັ້ງທີ4ອັດລົງໃນມື້ນີ້
cri
ຕາມຂ່າວCRI: ຕອນບ່າຍວັນທີ 31 ຕຸລານີ້ ຢູ່ເມືອງນານນິງເຂດກວາງຊີ, ທ່ານລີຈິ່ນຈາວ ຮອງຫົວໜ້າທັງເປັນເລຂາທິການໃຫຍ່ຄະນະຈັດງານວາງສະແດງສິນຄ້າຫຼືເອັກສໂປຈີນອາຊຽນ ຮອງປະທານເຂດປົກຄອງຕົນເອງເຜົ່າຈ້ວງກວາງຊີປະກາດວ່າ, ງານເອັສໂປຈີນອາຊຽນຄັ້ງທີ 4 ໄດ້ອັດລົງແລ້ວຢ່າງໄດ້ຮັບຜົນເຕັມເມັດເຕັມໜ່ວຍ.
ມາຮອດເວລາ16ໂມງຂອງວັນທີ 31 ຕຸລານີ້, ນັບລວມແລ້ວ, ຍອດມູນຄ່າການຄ້າທີ່ຕົກລົງກັນໃນງານເອັສໂປຈີນອາຊຽນຄັ້ງທີ 4ແມ່ນ1ຕື້420ລ້ານໂດລາ, ເພີ່ມຂຶ້ນຫຼາຍກວ່າປີກາຍນີ້12,1%. ງານເອັກສໂປຄັ້ງນີ້ໄດ້ເຊັນໂຄງການຮ່ວມມືເສດຖະກິດລະຫວ່າງຊາດ182ໂຄງການ, ຍອດມູນຄ່າການລົງທຶນ6ຕື້154ລ້ານໂດລາ, ເພີ່ມຂຶ້ນຫຼາຍກວ່າຄັ້ງກ່ອນ5,28%.
ເມື່ອທຽບກັບຄັ້ງກ່ອນແລ້ວ, ງານເອັກສໂປຈີນອາຊຽນຄັ້ງນີ້ໄດ້ວາງມາດຕະການໃໝ່,ສືບຕໍ່ສ້າງພື້ນຖານໃຫ້ການພັດທະນາ, ຈັດກິດຈະກຳປະເທດທີ່ມີຫົວຂໍ້ຕົ້ນຕໍ,ລົງເລິກກົນໄກຈັດງານຮ່ວມກັນ; ການປະສານງານກັນໃນງານຍິ່ງພົ້ນເດັ່ນຂຶ້ນ, ໂດຍສະເພາະແມ່ນເວທີປາໄສການພັດທະນາແລະການຮ່ວມມືເມືອງທ່າຈີນອາຊຽນ ໄດ້ກ້າວເຖິງຂັ້ນຕົກລົງກັນ,ສົ່ງຜົນສະທ້ອນເລິກເຊິ່ງຍາວໄກ, ໄດ້ຮັບຜົນເດັ່ນຊັດ.
ທ່ານນີໂຄລາສ ທານດີ ຮອງເລຂາທິການໃຫຍ່ອາຊຽນຕາງໜ້າກອງເລຂາອາຊຽນສະແດງຄວາມຊົມເຊີຍການຈັດງານເອັກສໂປຢ່າງສຳເລັດຜົນ,ທ່ານກ່າວວ່າ, ອາຊຽນຈະສືບຕໍ່ສະໜັບສະໜູນງານວາງສະແດງສິນຄ້າຈີນອາຊຽນຕາມຄວາມສາມາດຂອງຕົນແລະຄອງຄອຍງານວາງສະແດງໃນປີ2008ຈະສຳເລັດຜົນກວ່າເກົ່າ.
ງານວາງສະແດງສິນຄ້າຈີນ-ອາຊຽນຄັ້ງທີ5ຈະຈັດຂຶ້ນຢູ່ເມືອງນານນິງເຂດວກາງຊີຈີນ ແຕ່ວັນທີ23ຫາວັນທີ28ຕຸລາປີ2008.
|
|
|
