|
|
 |
| (GMT+08:00)
2007-11-04 18:28:58
|
 |
|
ດາວທຽມ"ສາງເອີເລກໜຶ່ງ"ຂອງຈີນບິນໄປວົງໂຄຈອນດວງຈັນໂດຍກົງ
cri
ຕາມຂ່າວສານຊິນຮວາ,ວັນທີ3ພະຈິກນີ້,ສູນຄວບຄຸມການບິນຂອງຍານອະວະກາດປັກກິ່ງຈີນແຈ້ງໃຫ້ຊາບວ່າ,ຈີນຈະບໍ່ປັບວົງໂຄຈອນຂອງດາວທຽມ"ສາງເອີເລກໜຶ່ງ"ດາວທຽມສຳຫຼວດດວງຈັນໜ່ວຍທຳອິດຂອງຈີນທີ່ແຕ່ເດີມຈະປະຕິບັດໃນວັນທີ4ພະຈິກນີ້,ດາວທຽມຈະຈາກວົງໂຄຈອນໃນປັດຈຸບັນບິນໄປວົງໂຄຈອນດວງຈັນໂດຍກົງ,ຄາດວ່າ,ຈະໄປຮອດໃນວັນທີ5ພະຈິກນີ້.ສູນຄວບຄຸມການບິນຂອງຍານອະວະກາດປັກກິ່ງມີແຜນຈະຫຼຸດຜ່ອນຄວາມໄວຂອງດາວທຽມໃນໄລຍະມໍ່ກັບດວງຈັນເປັນເທື່ອທຳອິດໃນເວລາປະມານ10ໂມງຂອງວັນທີ5ພະຈິກນີ້.
ສູນຄວບຄຸມການບິນຂອງຍານອະວະກາດປັກກິ່ງແຈ້ງໃຫ້ຊາບວ່າ,ວັນທີ2ພະຈິກນີ້,ສູນດັ່ງກ່າວໄດ້ປັບວົງໂຄຈອນຂອງດາວທຽມ"ສາງເອີເລກໜຶ່ງ"ເປັນເທື່ອທຳອິດ,ເມື່ອເບິ່ງຈາກຜົນການຄິດໄລ່ຕົວເລກວົງໂຄຈອນຫຼັງການປັບ,ການປັບວົງໂຄຈອນຕາມກາງທາງເທື່ອນີ້ຄວບຄຸມຢ່າງແມ່ນຢຳ,ສະນັ້ນ,ຈິ່ງບໍ່ຕ້ອງປັບອີກທີ່ແຕ່ເດີມຈະປັບປຸງໃນວັນທີ4ພະຈິກນີ້. ຕາມແຜນເດີມ,ພາຍຫຼັງດາວທຽມຈາກວົງໂຄຈອນ ໜ່ວຍໂລກບິນໄປສູ່ວົງໂຄຈອນດວງຈັນຕ້ອງປັບວົງໂຄຈອນ2ຫາ3ເທື່ອ,ແຕ່ໃນເວລາປະຕິບັດຕົວຈິງພຽງແຕ່ປັບເທື່ອດຽວກໍໄດ້ບັນລຸຄາດໝາຍແລ້ວ,ທັງນີ້ເປັນຂີດໝາຍສະແດງໃຫ້ເຫັນວ່າ,ເຕັກນິກກຳນົດແລະຄວບຄຸມວົງໂຄຈອນດາວທຽມຂອງຈີນໄດ້ບັນລຸລະດັບໃໝ່.
|
|
|
