|
|
 |
| (GMT+08:00)
2007-11-05 10:53:19
|
 |
|
ດາວທຽມຊາງເອີເລກໜຶ່ງຂອງຈີນບິນໄປເຖິງອະວະກາດທີ່ຫ່າງຈາກໜ້າດິນ 3 ແສນ 8 ໝື່ນກິໂລແມັດ
cri
Author: cai
ຕາມຂ່າວສານຊີນຮວາ:ສູນຄວບຄຸມການບິນຂອງຍານອະວະກາດປັກກິ່ງແຈ້ງໃຫ້ຊາບວ່າ,ຮອດເວລາ 18 ໂມງວັນທີ 4 ພະຈິກນີ້ ເວລາປັກກິ່ງ,ດາວທຽວຊາງເອີເລກໜຶ່ງໜ່ວຍທຳອິດຂອງຈີນໄດ້ບິນໄປເຖິງອະວະກາດທີ່ຫ່າງຈາກໜ້າດິນ 3 ແສນ 8 ໝື່ນກິໂລແມັດ.ປະຈຸບັນ,ຕົວເລກວັດແທກທາງໄກທີ່ອຸປະກອນວັດແທກແລະຄວບຄຸມຢູ່ໜ້າດິນຮັບເອົານັ້ນສະແດງໃຫ້ເຫັນວ່າ,ລະບົບຕ່າງໆຂອງດາວທຽມເຮັດວຽກຢ່າງເປັນປົກກະຕິ.
ໃນເວລາໃຫ້ສຳພາດຕໍ່ນັກຂ່າວ,ທ່ານຖາງເກີຊື ຫົວໜ້າຫ້ອງການວົງໂຄຈອນຂອງສູນຄວບຄຸມການບິນຂອງຍານອາວະກາດປັກກິ່ງກ່າວວ່າ,ນັບແຕ່ໄດ້ປັບວົງໂຄຈອນຢູ່ກາງທາງໃນວັນທີ 2 ພະຈິກນີ້ແລ້ວ,ອີງຕາມຂໍ້ມູນທີ່ສະຖານີແລະເຄື່ອງວັດແທກຄວບຄຸມຕ່າງໆສົ່ງກັບມາ,ສູນຄວບຄຸມປັກກິ່ງໄດ້ວັດແທກແລະຄິດໄລ່ວົງໂຄຈອນການບິນຂອງດາວທຽມເປັນປະຈຳ,ຕິດຕາມສະພາບເຮັດວຽກຂອງດາວທຽມຢ່າງໃກ້ຊິດ.ຜົນການຄິດໄລ່ສະແດງໃຫ້ເຫັນວ່າ,ຄວາມສູງໃກ້ກັບດວງຈັນຂອງດາວທຽມໃນເວລາບິນໄປຮອດຈຸດດຶງດູດຂອງດວງຈັນໃນວົງໂຄຈອນອ້ອມດວງຈັນປະຈຸບັນຖືກຕ້ອງຕາມການອອກແບບ.ເວລາ 11 ໂມງວັນທີ 5 ພະຈິກນີ້,ດາວທຽມຊາງເອີເລກໜຶ່ງຈະເລີ່ມຫຼຸດຜ່ອນຄວາມໄວລົງໃກ້ດວງຈັນເທື່ອທຳອິດ.
ດາວທຽມຊາງເອີເລກໜຶ່ງໄດ້ບິນຢູ່ວົງໂຄຈອນລະຫວ່າງໜ່ວຍໂລກກັບດວງຈັນເປັນເວລາ 4 ວັນແລ້ວ,ໃນເວລາບິນໄປຮອດຈຸດໃກ້ດວງຈັນເທື່ອທຳອິດໃນວັນທີ 5 ພະຈິກນີ້,ດາວທຽມຫ່າງຈາກໜ້າດິນປະມານ 3 ແສນ 9 ໝື່ນກິໂລແມັດ.
|
|
|
