|
ສະຖາບັນຂົງຈື້ແລະຫ້ອງຮຽນຂົງຈື້ສ້າງຂຶ້ນໃນ 60 ກວ່າປະເທດແລະເຂດແຄວ້ນແລ້ວ
cri
Author: mo
ຕາມຂ່າວສານຊີນຮວາ: ຫວ່າງມໍ່ໆນີ້, ເຈົ້າໜ້າທີ່ຈັດງານສຳມະນາຄົ້ນຄວ້າການສຶກສາພາສາຈີນສາກົນຄັ້ງທີ 5 ທີ່ຈັດຢູ່ເມືອງຊິງຕາວຈີນໄດ້ແຈ້ງໃຫ້ນັກຂ່າວຊາບວ່າ, ມາຮອດປັດຈຸບັນ, ສະຖາບັນຂົງຈື້ແລະຫ້ອງຮຽນຂົງຈື້ໄດ້ສ້າງຕັ້ງຂຶ້ນໃນ 62 ປະເທດແລະເຂດແຄວ້ນໃນໂລກ.
ໃນກອງປະຊຸມ, ເຈົ້າໜ້າທີ່ຂອງຄະນະນຳພາການເຜີຍແຜ່ພາສາຈີນໃນສາກົນແຫ່ງຊາດຈີນກ່າວວ່າ, ປັດຈຸບັນ, ໄດ້ມີ 62 ປະເທດແລະເຂດແຄວ້ນສ້າງສະຖາບັນຂົງຈື້ແລະຫ້ອງຮຽນຂົງຈື້ 199 ແຫ່ງ, ໂດຍຮ່ວມກັບອົງການສຶກສາພາສາຈີນຂອງທ້ອງຖິ່ນ, ກາຍເປັນສະຖານທີ່ບໍລິການການສຶກສາພາສາຈີນໃນທ້ອງຖິ່ນໂດຍກົງ.
ແຕ່ປີນີ້ມາ, ຈີນໄດ້ສົ່ງຄູສອນພາສາຈີນ 1500 ຄົນ, ອາສາສະໝັກ 2000 ກວ່າຄົນໄປແຫ່ງຕ່າງໆໃນໂລກເພື່ອສົ່ງເສີມການສອນພາສາຈີນແລະວຽກງານສຶກສາພາສາຈີນຂອງທ້ອງຖິ່ນ.
|
|
