|
|
 |
| (GMT+08:00)
2007-11-06 18:13:53
|
 |
|
ການຍົກຍ້າຍພົນລະເມືອງຂະໜາດໃຫຍ່ກວ່າໝູ່ຢູ່ຈີນເພື່ອຮັກສາຊີວະພາບໄດ້ສຳເລັດໂດຍພື້ນຖານ
cri
Author: mo
ຕາມຂ່າວສານຊີນຮວາ: ຫວ່າງມໍ່ໆນີ້, ການຍົກຍ້າຍພົນລະເມືອງໃນເຂດພັດທະນາຫົງຊື້ປາວ ເຊິ່ງເປັນໂຄງການຍົກຍ້າຍທີ່ມີຂະໜາດໃຫຍ່ກວ່າໝູ່ຢູ່ຈີນເພື່ອຮັກສາຊີວະພາບໄດ້ສຳເລັດລົງໂດຍພື້ນຖານແລ້ວ.
ໂຄງການດັ່ງກ່າວແມ່ນໄດ້ຍົກຍ້າຍຊາວກະສິກອນຜູ້ທຸກຍາກໃນເຂດພູດອຍພາກໃຕ້ແລະເຂດແຫ້ງແລ້ງທາງພາກກາງຂອງເຂດປົກຄອງຕົນເອງເຜົ່າຮຸຍນິງເຊ້ຍ ພາກຕາເວັນຕົກສຽງເໜືອຂອງຈີນໄປເຂດລະບາຍນ້ຳເຂົ້າຢູ່ຫົງຊື້ປາວເມືອງອູຈົ່ງເຂດນິງເຊ້ຍຢ່າງຂະໜາດໃຫຍ່. ເປັນເວລາດົນນານແລ້ວ, ເພື່ອຫາລາຍໄດ້ເພີ່ມຂຶ້ນ, ຊາວກະສິກອນໃນເຂດທຸກຍາກໄດ້ສັບສ່າວດິນເຮື້ອຈົນເກີນໄປ, ເຮັດໃຫ້ສະພາບແວດລ້ອມຊີວະຊາດເສື່ອມໂຊມ. ໂຄງການນີ້ໃຊ້ເວລາ 9 ປີ, ໃຊ້ງົບປະມານ 2 ຕື້ກວ່າຢວນ, ຍົກຍ້າຍພົນລະເມືອງເກືອບ 2 ແສນຄົນ.
ເຈົ້າໜ້າທີ່ເຂດພັດທະນາຫົງຊື້ປາວບອກວ່າ, ໂຄງການຍົກຍ້າຍພົນລະເມືອງໄດ້ຕັດສ້າງຫົນທາງ ສ້າງໂຮງໄຟຟ້າ ລະບົບສົ່ງນ້ຳ ໂທລະຄົມ ພັດທະນາກະສິກຳ ແລະລະບົບບໍລິການສັງຄົມໃນເຂດໂຄງການ, ແນະນຳຜູ້ຍົກຍ້າຍພັດທະນາກະສິກຳທີ່ມີປະສິດທິຜົນສູງແລະເກັບກ່ຽວໄດ້ຫຼາຍ, ອັນໄດ້ເຮັດໃຫ້ຊີວິດການເປັນຢູ່ຂອງເຂົາເຈົ້າດີຂຶ້ນຢ່າງຫຼວງຫຼາຍ.
ພ້ອມກັນນັ້ນ, ສະພາບແວດລ້ອມຊີວະພາບໃນເຂດໂຄງການກໍ່ໄດ້ຮັບການປັບປຸງໃຫ້ດີຂຶ້ນຢ່າງຫຼວງຫຼາຍ, ໃນເຂດພັດທະນາຫົງຊື້ປາວທີ່ເຮື້ອຮ້າງແຕ່ກ່ອນ, ດຽວນີ້ໄດ້ປູກຕົ້ນໄມ້ 4 ລ້ານຕົ້ນແລ້ວ, ອັດຕາປ່າໄມ້ປົກຫຸ້ມບັນລຸເຖິງ 40%.
|
|
|
