ຝ່າຍຈີນຮູ້ສຶກປິຕິຍິນດີທີ່ໄດ້ຜັນຂະຫຍາຍເອກະສານຮ່ວມກ່ຽວກັບການເຈລະຈາ 6 ຝ່າຍ
cri
Author: mo
ຕາມຂ່າວCRI: ວັນທີ 6 ພະຈິກນີ້, ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ, ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນກ່າວວ່າ, ປັດຈຸບັນ, ຝ່າຍຈີນຮູ້ສຶກປິຕິຍິນດີທີ່ເອກະສານຮ່ວມຄື ການເຄື່ອນໄຫວໄລຍະທີສອງຂອງການຜັນຂະຫຍາຍຄຳຖະແຫຼງການຮ່ວມ ຂອງຝ່າຍຕ່າງໆໃນການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫລີໄດ້ຮັບການປະຕິບັດຢ່າງບັງເກີດຜົນ.
ທ່ານລິວຈ້ຽນຊາວກ່າວວ່າ, ແຕ່ວັນທີ 1 ພະຈິກເປັນຕົ້ນມາ, ໄດ້ເລີ່ມປະຕິບັດວຽກງານເຮັດໃຫ້ສິ່ງກໍ່ສ້າງນິວເຄຼຍຂອງສປປເກົາຫລີເສື່ອມສະມັດຖະພາບ, ປັດຈຸບັນ, ເອກະສານຮ່ວມດັ່ງກ່າວທີ່ຕົກລົງກັນໃນວັນທີ 3 ຕຸລາແລ້ວນີ້ພວມໄດ້ຮັບການປະຕິບັດຢ່າງບັງເກີດຜົນ. ຝ່າຍຈີນຫວັງໃຫ້ຝ່າຍຕ່າງໆທີ່ກ່ຽວຂ້ອງສືບຕໍ່ເຮັດຕາມຄຳໝັ້ນສັນຍາແລະສັນຍາທີ່ຝ່າຍຕ່າງໆຕົກລົງກັນ, ຊຸກຍູ້ຂະບວນການເຈລະຈາ 6 ຝ່າຍຢ່າງສຳໝໍ່າສະເໝີຮອບດ້ານ.
|
|