|
|
 |
| (GMT+08:00)
2007-11-09 17:56:40
|
 |
|
ຈີນຈະສືບຕໍ່ໃຊ້ມາດຕະການເພື່ອຫຼຸດຜ່ອນການລະບາຍອາຍພິດເຮືອນແກ້ວ
cri
Author: da
ຕາມຂ່າວCRI: ທ່ານເຊ້ຊູ້ເຢິນ ລັດຖະມົນຕີວ່າການກະຊວງການເງິນຈີນກ່າວວ່າ,ໃນຕໍ່ໜ້າ,ລັດຖະບານຈີນຈະໃຊ້ນະໂຍບາຍແລະມາດຕະການຫຼາຍຢ່າງເພື່ອຫຼຸດຜ່ອນການລະບາຍອາຍພິດເຮືອນແກ້ວ,ຕັ້ງໜ້າຮັບມືກັບການປ່ຽນແປງຂອງດິນຟ້າອາກາດຂອງໂລກ.
ວັນທີ9ພະຈິກນີ້ ໃນພິທີສ້າງຕັ້ງກອງທຶນພັດທະນາດ້ວຍຄວາມສະອາດຂອງຈີນ ທ່ານເຊ້ຊູ້ເຢິນຊີ້ອອກວ່າ,ລັດຖະບານຈີນຈະປະຕິບັດນະໂຍບາຍອຸດສາຫະກຳ,ຊຸກຍູ້ໃຫ້ເຕັກນິກກ້າວໜ້າ,ຍົກປະສິດທິພາບການນຳໃຊ້ພະລັງງານໃຫ້ສູງຂຶ້ນ,ແລະຍັງຈະພັດທະນາພະລັງງານກາກບອນຕ່ຳແລະພະລັງງານທີ່ເກີດໃໝ່ໄດ້ເພື່ອປັບປຸງອົງປະກອບພະລັງງານ. ພ້ອມກັນນັ້ນ,ຈີນຈະສືບຕໍ່ປູກຕົ້ນໄມ້ໃຫ້ເປັນປ່າ ເພີ່ມທະວີການປົກປັກຮັກສາທຳມະຊາດແລະສືບຕໍ່ປະຕິບັດນະໂຍບາຍວາງແຜນຄອບຄົວເພື່ອຫຼຸດຜ່ອນການເຕີບໂຕຂອງປະຊາກອນ.
ກອງທຶນພັດທະນາດ້ວຍຄວາມສະອາດຂອງຈີນພ້ອມກັບສູນຄຸ້ມຄອງທີ່ຂຶ້ນກັບກະຊວງການເງິນຈີນໄດ້ສ້າງຕັ້ງຂຶ້ນຢູ່ປັກກິ່ງໃນວັນທີ9ພະນິກນີ້.ກອງທຶນນີ້ມີຈຸດປະສົງສະໜັບສະໜູນແລະຊຸກຍູ້ການເຄື່ອນໄຫວຂອງລັດທີ່ຮັບມືກັບການປ່ຽນແປງຂອງດິນຟ້າອາກາດ ພາຍໃຕ້ການຊີ້ນຳຂອງຍຸດທະສາດພັດທະນາແບບຍືນຍົງຂອງລັດ.
|
|
|
