|
|
 |
| (GMT+08:00)
2007-11-12 11:14:18
|
 |
|
ຈີນມີວິສາຫະກິດຂະໜາດກາງແລະນ້ອຍຫຼາຍກວ່າ4ລ້ານ3ແສນແຫ່ງ
cri
ຕາມໜັງສືພິມເຢິນມິນຢື້ປ້າວຂອງຈີນ,ໃນຫຼາຍປີມໍ່ໆມານີ້,ວິສາຫະກິດຂະໜາດກາງແລະນ້ອຍຂອງຈີນພັດທະນາຢ່າງວ່ອງໄວ.ນັບມາຮອດປັດຈຸບັນ, ຈຳນວນວິສາຫະກິດຂະໜາດກາງແລະນ້ອຍທີ່ພະແນກອຸດສາຫະກຳການຄ້າແຫ່ງຕ່າງໆຂອງຈີນໄດ້ຈົດທະບຽນຫຼາຍກວ່າ4ລ້ານ3ແສນແຫ່ງ.ມູນຄ່າຂອງຜະລິດຕະພັນແລະການບໍລິການທີ່ວິສາຫະກິດເຫຼົ່ານີ້ສ້າງຂຶ້ນໄດ້ກວມປະມານ60%ຂອງລວມຍອດຜະລິດຕະພັນພາຍໃນປະເທດຫຼືGDPຂອງຊາດ.
ທ່ານລີຈືປິ່ນ ປະທານສະມາຄົມວິສາຫະກິດຂະໜາດກາງແລະນ້ອຍຂອງຈີນໄດ້ແຈ້ງຂ່າວດັ່ງກ່າວຢູ່ປັກກິ່ງໃນຫວ່າງມໍ່ໆນີ້.
ທ່ານລີຈືປິ່ນກ່າວວ່າ,ປັດຈຸບັນ,ວິສາຫະກິດຂະໜາດກາງແລະນ້ອຍຂອງຈີນໄດ້ກ້າວເຂົ້າສູ່ໄລຍະພັດທະນາທີ່ດີທີ່ສຸດໃນປະຫວັດສາດ,ມີຖານະແລະບົດບາດນັບມື້ນັບສຳຄັນໃນດ້ານການເສຍອາກອນ,ການຄົ້ນຄວ້າພັດທະນາແລະປະດິດສ້າງດ້ານວິທະຍາສາດເຕັກນິກແລະການຜ່ອນຄາຍແຮງກົດດັນດ້ານການປະກອບອາຊີບໃນສັງຄົມ.ແຕ່ວ່າສະພາບການລະດົມທຶນຍັງຫຍຸ້ງຍາກ,ຂາດເຂີນຜູ່ມີຄວາມຮູ້ຄວາມສາມາດ,ຄວາມສາມາດປະດິດສ້າງຢ່າງເປັນເຈົ້າຕົນເອງຍັງບໍ່ແຂງແຮງ,ລະບົບບໍລິການໃນສັງຄົມຍັງບໍ່ສົມບູນຍັງເປັນປັດໄຈກົດໜ່ວງການພັດທະນາວິສາຫະກິດຂະໜາດກາງແລະນ້ອຍ.
|
|
|
