|
|
 |
| (GMT+08:00)
2007-11-12 13:33:27
|
 |
|
ໃຈກາງຂອງພັດທະນະທັດວິທະຍາສາດແມ່ນຖືຄົນເປັນກົກ
cri
ຕາມຂ່າວCRI,ວັນທີ12ພະຈິກນີ້,ຂ່າວສານຊິນຮວາ ຂ່າວສານແຫ່ງຊາດຈີນໄດ້ລົງບົດຄວາມຂຽນວ່າ,ບົດລາຍງານຂອງກອງປະຊຸມໃຫຍ່ຄັ້ງທີ17ຂອງພັກກອມມູນິດຈີນໄດ້ສະເໜີອອກມາວ່າ,ໃຈກາງຂອງພັດທະນະທັດວິທະຍາສາດແມ່ນຖືຄົນເປັນກົກ.ຖືຄົນເປັນກົກແມ່ນແນວຄິດສຳຄັນແລະຄວາມຮຽກຮ້ອງພື້ນຖານອັນໜຶ່ງທີ່ພັກກອມມູນິດຈີນເນັ້ນໜັກໃຫ້ພົ້ນເດັ່ນຂຶ້ນນັບແຕ່ກອງປະຊຸມໃຫຍ່ຄັ້ງທີ16ຂອງພັກມານີ້.ມັນໄດ້ກາຍເປັນໃຈກາງຂອງພັດທະນະທັດວິທະຍາສາດແມ່ນຍ້ອນສາເຫດສຳຄັນສາມດ້ານຄື:
ອີກອັນໜຶ່ງ, ຖືຄົນເປັນກົກແມ່ນຫຼັກການພື້ນຖານອັນໜຶ່ງຂອງວິຖຸນິຍົມປະຫວັດສາດ.ໃນຂະນະທີ່ບັນລະຍາຍກົດເກນພັດທະນາຂອງສັງຄົມມະນຸດນັ້ນ,ລັດທິມາກກໍໄດ້ຊີ້ແຈ້ງກົດເກນທີ່ມະຫາຊົນເປັນຜູ່ສ້າງປະຫວັດສາດ,ກ່າວເນັ້ນວ່າປະຊາຊົນແມ່ນຜູ່ສ້າງປະຫວັດສາດ,ແມ່ນກຳລັງຕັດສິນໃນການຊຸກຍູ້ການພັດທະນາຂອງສັງຄົມ.
ອັນທີສອງແມ່ນການຖືຄົນເປັນກົກ ໄດ້ໂຮມສູນສະແດງໃຫ້ເຫັນວັດຖຸປະສົງພື້ນຖານແລະທັດສະນະຄະຕິປົກຄອງຂອງພັກກອມມູນິດຈີນ.ພັດທະນະທັດວິທະຍາສາດເນັ້ນໜັກການຖືຄົນເປັນກົກ,ແມ່ນເປັນເອກະສັນກັນກັບຈຸດປະສົງພື້ນຖານທີ່ຮັບໃຊ້ປະຊາຊົນຢ່າງສຸດອົກສຸດໃຈແລະຄວາມຮຽກຮ້ອງທາດແທ້ຂອງພັກກອມມູນິດຈີນທີ່ສ້າງພັກເພື່ອສ່ວນລວມ,ກຳອຳນາດເພື່ອປະຊາຊົນ.
ອັນທີສາມແມ່ນການຖືຄົນເປັນກົກໄດ້ຕອບບັນຫາພື້ນຖານຕ່າງໆກ່ຽວກັບພັດທະນະທັດວິທະຍາສາດ.ພັດທະນາເພື່ອໃຜ,ພັດທະນາໂດຍອາໄສໃຜ,ຈະແບ່ງປັນໝາກແຜນແຫ່ງການພັດທະນາແນວໃດ?ນີ້ແມ່ນບັນຫາພື້ນຖານທີ່ບໍ່ວ່າແມ່ນພັດທະນາທັດອັນໃດກໍຕ້ອງຕອບແລະແກ້ໄຂ.
|
|
|
