|
|
 |
| (GMT+08:00)
2007-11-13 16:02:07
|
 |
|
ຈີນສົ່ງເສີມຜະລິດຕະພັນແລະການບໍລິການດ້ານວັດທະນະທຳຈີນກ້າວໄປສູ່ໂລກ
cri
Author: da
ຕາມຂ່າວCRI: ຫວ່າງມໍ່ໆນີ້ ຢູ່ນານນິງເຂດກວາງຊີຈີນ ເຈົ້າໜ້າທີ່ກົມອຸດສາຫະກຳວັດທະນະທຳຂອງກະຊວງວັດທະນະທຳຈີນກ່າວວ່າ,ກະຊວງວັດທະນະທຳຈີນພວມຕັ້ງໜ້າຊຸກຍູ້ການຮ່ວມມືແລະການແລກປ່ຽນດ້ານອຸດສາຫະກຳວັດທະນະທຳລະຫວ່າງຊາດ,ສົ່ງເສີມໃຫ້ຜະລິດຕະພັນແລະການບໍລິການດ້ານວັດທະນະທຳຈີນກ້າວໄປສູ່ໂລກ.
ເຈົ້າໜ້າທີ່ຜູ່ນີ້ກ່າວວ່າ,ລັດຖະບານຈີນເອົາໃຈໃສ່ນຳການເພີ່ມທະວີການແລກປ່ຽນວັດທະນະທຳຕໍ່ຕ່າງປະເທດ,ໃນເວລາທີ່ຮັບເອົາຜົນສຳເລັດດ້ານຄວາມສີວິໄລອັນດີເດັ່ນຂອງໂລກນັ້ນ,ຈີນຍັງໄດ້ຕັ້ງໜ້າສົ່ງເສີມແລະສະໜັບສະໜູນວິສາຫະກິດວັດທະນະທຳສົ່ງອອກອີກດ້ວຍ,ເຮັດໃຫ້ປະຊາຊົນຂອງຈີນແລະປະເທດອື່ນສາມາດຊົມເບິ່ງສິ່ງຍອດຢ້ຽມດ້ານວັດທະນະທຳທີ່ຕ່າງກັນໂດຍຜ່ານການແລກປ່ຽນແລະການຮ່ວມມືຂອງໂຄງການວັດທະນະທຳ. ພາຍໃຕ້ສະພາບດັ່ງກ່າວ,ກະຊວງວັດທະນະທຳຈີນກັບຂະແໜງການທີ່ກ່ຽວຂ້ອງຂອງສ.ເກົາຫຼີແລະຍິ່ປຸ່ນໄດ້ຮ່ວມກັນຈັດເວທີປາໄສອຸດສາຫະກຳວັດທະນະທຳຈີນ ສ.ເກົາຫຼີ ຍິ່ປຸ່ນ ຄັ້ງທີ6. ນັບແຕ່ປີ2006ມານີ້,ກົມອຸດສາຫະກຳວັດທະນະທຳກະຊວງວັດທະນະທຳຈີນພ້ອມກັບຂະແໜງການທີ່ກ່ຽວຂ້ອງໄດ້ຮ່ວມກັນຈັດເວທີປຶກສາຫາລືອຸດສາຫະກຳຈີນອາຊຽນ,ຫວັງໃຫ້ຊຸກຍູ້ການແລກປ່ຽນແລະການຮ່ວມມືໃນການພັດທະນາອຸດສາຫະກຳວັດທະນະທຳແລະໂຄງການວັດທະນະທຳລະຫວ່າງຈີນກັບອາຊຽນຕື່ມອີກ.
|
|
|
