|
|
 |
| (GMT+08:00)
2007-11-15 11:29:20
|
 |
|
ຈີນເພີ່ມທະວີການອະນຸລັກແລະຄຸ້ມຄອງມໍລະດົກວັດທະນະທຳໂລກ
cri
ຕາມຂ່າວສານຊິນຮວາ,ຈີນໃຫ້ຄວາມສຳຄັນແລະເພີ່ມທະວີການອະນຸລັກແລະຄຸ້ມຄອງມໍລະດົກວັດທະນະທຳໂລກ,ໄດ້ວາງ ລະບຽບກົດໝາຍຕ່າງໆ,ກາຍເປັນລະບົບອະນຸລັກຄຸ້ມຄອງຫຼາຍລະດັບເຊັ່ນລະດັບຊາດ,ລະດັບແຂວງແລະລະດັບສະຖານທີ່ມໍລະດົກ.
ເພື່ອສ້າງຕັ້ງລະບົບຕິດຕາມກວດກາມໍລະດົກວັດທະນະທຳໂລກທົ່ວປະເທດຈີນ,ປີ2006,ກົມວັດຖຸບູຮານແຫ່ງຊາດຈີນໄດ້ວາງວິທີຕິດຕາມກວດກາເພື່ອຄຸ້ມຄອງມໍລະດົດວັດທະນະທຳໂລກຂອງຈີນ,ໄດ້ກຳນົດຢ່າງຈະແຈ້ງຕໍ່ຂັ້ນຕອນ,ໜ້າທີ່ຮັບຜິດຊອບແລະເນື້ອໃນຂອງການຕິດຕາມກວດກາມໍລະດົກວັດທະນະທຳໂລກ,ເຮັດໃຫ້ການຕິດຕາມກວດກາເປັນລະບຽບແບບແຜນ.ໃນສະເພາະໜ້ານີ້,ຍັງຈະວາງ ລະບຽບການຕິດຕາມກວດກາມໍລະດົກວັດທະນະທຳໂລກ,ແລະດຳເນີນການຄົ້ນຄວ້າຫົວຂໍ້ທີ່ກ່ຽວຂ້ອງກັບລະບົບຕິດຕາມກວດກາຕໍ່ມໍລະດົກວັດທະນະທຳໂລກ,ເພື່ອສ້າງພື້ນຖານໃຫ້ແກ່ການສ້າງຕັ້ງລະບົບຕິດຕາມກວດກາມໍລະດົກວັດທະນະທຳໂລກໃນທົ່ວປະເທດຈີນ.
ປີ1986,ລັດຖະບານຈີນໄດ້ສະເໜີໂຄງການຮ້ອງຂໍມໍລະດົກໂລກຕໍ່ອົງການຢູເນັສໂກຢ່າງເປັນທາງການ.ນັບມາຮອດປັດຈຸບັນຈີນໄດ້ມີມໍລະດົກໂລກ35ແຫ່ງແລ້ວ,ໃນນັ້ນ,ມໍລະດົກວັດທະນະທຳແລະມໍລະດົກດ້ານວັດທະນະທຳແລະດ້ານທຳມະຊາດພ້ອມກັນມີ29ແຫ່ງ.
|
|
|
