|
|
 |
| (GMT+08:00)
2007-11-17 18:06:29
|
 |
|
ສິງກະໂປຕ້ອງການຮັກສາການໄປມາຫາສູ່ກັນຢ່າງໃກ້ຊິດກັບຈີນ
cri
Author: MO
ຕາມຂ່າວສານຊີນຮວາ: ວັນທີ 16 ພະຈິກນີ້ຢູ່ທີ່ປັກກິ່ງ, ທ່ານລີກວາງຢູ ລັດຖະບູລຸດສິງກະໂປທີ່ພວມຢ້ຽມຢາມຈີນກ່າວວ່າ, ຈີນພວມເກີດມີການປ່ຽນແປງປານປີ້ນຟ້າຂວ້ຳແຜ່ນດິນ, ສິງກະໂປຕ້ອງການຮັກສາການໄປມາຫາສູ່ກັນກັບຈີນຢ່າງໃກ້ຊິດ, ເພີ່ມທະວີການຮ່ວມມືໃນດ້ານຕ່າງໆ, ນີ້ສອດຄ່ອງກັບຜົນປະໂຫຍດກົກຮາກຂອງສອງຝ່າຍ.
ທ່ານລີກວາງຢູແມ່ນກ່າວຄວາມນີ້ໃນເວລາພົບປະທ່ານຖາງເຈ່ຍສຽນ ທີ່ປຶກສາແຫ່ງລັດຈີນ.
ທ່ານຖາງເຈຍສຽນໄດ້ຍ້ອງຍໍໃນລະດັບສູງຕໍ່ທ່ານລີກວາງຢູທີ່ໄດ້ປະກອບສ່ວນອັນພົ້ນເດັ່ນໃນການຊຸກຍູ້ການສ້າງແລະຂະຫຍາຍການພົວພັນຈີນສິງກະໂປໃນເວລາດົນນານມານີ້, ກ່າວວ່າ, ການພົວພັນຈີນສິງກະໂປໃນປັດຈຸບັນໄດ້ກ້າວເຂົ້າສູ່ໂຄຈອນພັດທະນາທີ່ວ່ອງໄວ ໜັກແໜ້ນແລະສຸກງອມ, ຝ່າຍຈີນຍິນດີຮ່ວມກັບສິງກະໂປທຳຄວາມພະຍາຍາມ, ເພີ່ມທະວີການແລກປ່ຽນແລະການຮ່ວມມື, ເສີມຂະຫຍາຍທ່າແຮງເຊິ່ງກັນແລະກັນຢ່າງເຕັມສ່ວນ, ຊຸກຍູ້ການຮ່ວມມືໄມຕີຈິດທີ່ຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບສິງກະໂປໃຫ້ກ້າວສູ່ລະລັບສູງເທື່ອໃໝ່.
ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບບັນຫາສາກົນແລະພາກພື້ນທີ່ສົນໃຈນຳກັນ.
|
|
|
