ຕາມ​ຂ່າວCRI: ວັນ​ທີ 17 ພະຈິກ​ນີ້,ຢູ່​ທີ່​ປັກ​ກິ່ງ,ທ່ານ​ຊົງ​ຊວນ ຜູ່​ຊ່ອຍລັດຖະມົນຕີ​ວ່າການກະຊວງ​ການ​ຄ້າ​ຈີນ​ກ່າວ​ວ່າ,ຈີນ​ຊົມ​​ເຊີຍ​ບໍລິສັດ​ຂ້າມ​ຊາດ​ສ້າງການ​ພົວພັນ​ຮ່ວມ​ມື​ດ້ານຍຸດ​ທະ​ສາດກັບ​ຈີນ​ເປັນ​ເວລາ​ຍາວ​ນານ.

ທ່ານ​ຊົງ​ຊວນ​ແມ່ນ​ໃຫ້ທັດ​ສະ​ນະ​ດັ່ງກ່າວ​ໃນ​ພິທີ​ໄຂ​ກອງ​ປະຊຸມໂຕະກົມ CEO ຂອງ​ບໍລິສັດ​ຂ້າມ​ຊາດ​ຈີນ​​ແລະ​ຕ່າງປະ​ເທດ​ທີ່​ຈັດ​ຂຶ້ນ​ໃນ​ມື້​ດຽວ​ກັນ.

ທ່ານ​ຊົງ​ຊວນ​ກ່າວ​ວ່າ,​ໃນ​ເວລາລົງ​ເລິກການ​ຮ່ວມ​ມື​ກັບ​ບໍລິສັດ​ຂ້າມ​ຊາດນັ້ນ,​ຈີນ​ກໍ່ຫວັງ​ໃຫ້​ບໍລິສັດ​ຂ້າມ​ຊາດ​ສາມາດ​ເຂົ້າ​ຮ່ວມການພັດທະນາ ແລະ​ກໍ່ສ້າງ​ໃນ​ພາກ​ພື້ນ​ຂອງ​ຈີນ​ຢ່າງ​ຕັ້ງຫນ້າ,​ແລະ​ເພີ່ມ​ທະວີ​ການ​ຮ່ວມ​ມື​ກັບ​ຈີນ​ໃນ​ຂົງ​ເຂດ​ຕ່າງໆ​ເຊັ່ນ:ການ​ປະດິດ​ສ້າງ​ໃຫມ່​ດ້ານ​ເຕັກນິກ ການ​ຮັບ​ເຫມົາການ​ບໍລິການແລະ​ຄວາມ​ປອດ​ໄພ​ດ້ານ​ຄຸນ​ນະພາ​ບຂອງຜະລິດ​ຕະພັນ​ເປັນ​ຕົ້ນ,ທ່ານ​ຍັງ​ຫວັງ​ໃຫ້​ບໍລິສັດ​ຂ້າມ​ຊາດ​ເສີມ​ຂະຫຍາ​ດບົດບາດ​​ເປັນ​ຕົວຢ່າງ​ຕື່ມ​ອີກ​ໃນ​ການ​ປະ​ຕິ​ບັດ​ຫນ້າ​ທີ່​ຮັບຜິດ ຊອບທາງ​ສັງຄົມ​ຂອງ​ວິ​ສາ​ຫະກິດ​.

ນັບ​ມາ​ຮອດປີ​ກາຍ,ນັບ​ລວມ​ແລ້ວ,ຈີນ​​ໄດ້​ໃຊ້​ທຶນ​ຕ່າງປະ​ເທດ​​ໃນຕົວ​ຈິ​ງຫຼາ​ຍ ກວ່າ 750 ຕື້​ໂດ​ລາ,​ໃນ​ 500 ບໍລິສັດ​ສຸດ​ຍອດ​ຂອງໂລກ,​ໄດ້​ມີ 480 ​ແຫ່ງ​ລົງທຶນ​ຢູ່​ຈີນ,ອົງການ​ຄົ້ນຄວ້າ​ພັດທະນາ​ຂອງ ບໍລິສັດ​ຂ້າ​ມຊາດ​ທີ່​ຕັ້ງ​ຢູ່​ຈີນ​ໄດ້​ມີ​ເກືອບ 1000 ​ແຫ່ງ