|
ໃນຫຼາຍປີມານີ້,ເສດຖະກິດບໍ່ແມ່ນລະບອບກຳມະສິດສ່ວນລວມຂອງຈີນໄດ້ຂະຫຍາຍ ຕົວແລະເຕີບໃຫຍ່ຂຶ້ນຢ່າງບໍ່ຢຸດຢັ້ງ,ໄດ້ຮັບຜົນສຳເລັດທີ່ທົ່ວໂລກຮັບຮູ້ນຳກັນ.
ນີ້ແມ່ນນັກຂ່າວໄດ້ຮັບຂ່າວຈາກກອງປະຊູມຜູ່ແທນສະມາຊິກຄັ້ງທີ 10 ຂອງສະຫະພັນອຸດສາຫະກຳ ການຄ້າແຫ່ງຊາດຈີນທີ່ຈັດຂຶ້ນຢູ່ປັກກິ່ງໃນວັນທີ 17 ພະຈິກນີ້.
ຜູ່ຮັບຜິດຊອບທີ່ກ່ຽວຂ້ອງຂອງສະຫະພັນອຸດສາຫະກຳການຄ້າແຫ່ງຊາດຈີນໄດ້ແນະນຳວ່າ,ເສດຖະ ກິດບໍ່ແມ່ນລະບອບກຳມະສິດສ່ວນລວມແມ່ນພາກສ່ວນປະກອບທີ່ສຳຄັນຂອງເສດຖະກິດຕະຫຼາດສັງຄົມນິຍົມີນ ຂອງຈີນ,ເຊິ່ງ ລວມທັງເສດຖະກິດເອກະຊົນແລະເສດຖະກິດສ່ວນຕົວເປັນຕົ້ນ.
ເສດຖະກິດບໍ່ແມ່ນລະບອບກຳມະສິດສ່ວນລວມທີ່ຖືວິສາຫະກິດເອກະຊົນເປັນຕົວແທນໄດ້ເກີດມີການປ່ຽນແປງຄັ້ງປະຫວັດການໃນຫຼາຍປີທີ່ຜ່ານມາ,ສະພາບແວດລ້ອມການລົງທຶນຂອງວິສາຫະກິດເອກະຊົນໄດ້ຮັບການປົວແປງໃຫ້ດີຂຶ້ນຢ່າງຫຼວງຫຼາຍກວ່າເກົ່າ,ວິສາຫະກິດເອກະຊົນທີ່ນັບມື້ນັບຫຼາຍໄດ້ເລີ່ມເອົາໃຈໃສ່ນຳການກໍ່ສ້າງດ້ານຫຍີ່ຫໍ້ແລະການກໍ່ສ້າງ ວັດທະນະທຳຂອງວິສາຫະກິດ,ປະກອບສ່ວນທີ່ນັບມື້ນັບໃຫຍ່ຂຶ້ນເຂົ້າໃນພາລະກິດສາທາລະນະປະໂຫຍດຂອງສັງຄົມ.
ຜູ່ຮັບຜີດຊອບຜູ່ນີ້ກ່າວວ່າ,ໃນຕໍ່ຫນ້າ,ສະຫະພັນອຸດສາຫະກຳການຄ້າແຫ່ງຊາດຈີນຈະສືບຕໍ່ສ້າງສະພາບແວດລ້ອມການພັດທະນາທີ່ແກ່ງແຍ່ງຢ່າງສະເຫມີພາບກັນໃຫ້ວິສາຫະກິດເອກະຊົນແລະວິສາຫະກິດສ່ວນຕົວ,ຊຸກຍູ້ໃຫ້ເສດຖະກິດສ່ວນຕົວແລະເອກະຊົນຂະຫຍາຍຕົວຕື່ມອີກ,ຊັກນຳໃຫ້ບຸກຄົນວົງການເສດຖະກິດບໍ່ແມ່ນລະບອບກຳມະສິດສ່ວນລວມເຂົ້າຮ່ວມການເມືອງແລະວຽກງານສັງຄົມຍິ່ງດີກວ່າເກົ່າ
|
