|
|
 |
| (GMT+08:00)
2007-11-18 16:52:24
|
 |
|
ຄະນະກຳມະການການພັດທະນາແລະການປະຕິຮູບແຫ່ງລັດຈີນກ່າວວ່າຈະຊຸກຍູ້ໃຫ້ພາກກາງຂອງຈີນພັດທະນາຕື່ມອີກ
cri
Author: MO
ຕາມຂ່າວສານຊີນຮວາ: ວັນທີ 18 ພະຈິກນີ້, ທ່ານຟ້ານເຫີງຊານ ຫົວໜ້າກົມເສດຖະກິດພາກພື້ນຂອງຄະນະກຳມະການການພັດທະນາແລະການປະຕິຮູບແຫ່ງລັດຈີນກ່າວວ່າ, ຈີນຈະເຮັດວຽກຊຸກຍູ້ເຂດພາກກາງຂອງຈີນພັດທະນາໃຫ້ດີຕື່ມອີກ.
ໃນກອງປະຊຸມວຽກງານເສດຖະກິດພາກພື້ນຂອງລະບົບການພັດທະນາແລະການປະຕິຮູບທົ່ວປະເທດຈີນທີ່ໄຂຂຶ້ນຢູ່ເມືອງຫາງໂຈວ, ທ່ານຟ້ານເຫີງຊານກ່າວວ່າ, ຊຸກຍູ້ໃຫ້ເຂດພາກກາງພັດທະນາແມ່ນພາກສ່ວນປະກອບອັນສຳຄັນຂອງຍຸດທະສາດກວມລວມແຫ່ງການພັດທະນາຢ່າງກົມກຽວກັນຂອງພາກພື້ນຈີນ. ຄະນະກຳມະການການພັດທະນາແລະການປະຕິຮູບແຫ່ງລັດຈີນຈະປະສານວຽກງານໃຫ້ຝ່າຍຕ່າງໆທີ່ກ່ຽວຂ້ອງເພີ່ມທະວີການສະໜັບສະໜູນການກໍ່ສ້າງໂຄງການສຳຄັນຂອງເຂດພາກກາງ ປັບປຸງອົງປະກອບເສດຖະກິດ ແລະການອະນຸລັກສິ່ງແວດລ້ອມຊີວະພາບແລະອື່ນໆ, ຕິດຕາມວິເຄາະສະພາບການພັດທະນາຂອງເສດຖະກິດສັງຄົມໃນພາກກາງຂອງຈີນ, ຈັດຕັ້ງຄົ້ນຄວ້າແລະວາງຍຸດທະສາດພັດທະນາແລະນະໂຍບາຍມາດຕະການທີ່ຊຸກຍູ້ໃຫ້ເຂດພາກກາງພັດທະນາຕື່ມອີກ.
|
|
|
