|
ຈີນຈະຍຶດໝັ້ນການເປີດປະຕູສູ່ພາຍນອກ, ພະຍາຍາມບັນລຸການນຳໃຊ້ທຶນຕ່າງປະເທດຈາກການເອົາໃຈໃສ່ນຳຈຳນວນຫັນໄປສູ່ຄຸນນະພາບ
cri
Author: MO
ຕາມຂ່າວສານຊີນຮວາ: ວັນທີ 17 ພະຈິກນີ້ ຢູ່ທີ່ປັກກິ່ງ, ທ່ານຈ່າງມາວ ຮອງຫົວໜ້າຄະນະກຳມະການການພັດທະນາແລະການປະຕິຮູບແຫ່ງລັດຈີນກ່າວວ່າ, ຈີນຈະຍຶດໝັ້ນການເປີດປະຕູສູ່ພາຍນອກ, ພະຍາຍາມບັນລຸການນຳໃຊ້ທຶນຕ່າງປະເທດຈາກການເອົາໃຈໃສ່ນຳຈຳນວນຫັນໄປສູ່ຄຸນນະພາບ.
ໃນກອງປະຊຸມໂຕະກົມCEOຂອງບໍລິສັດຂ້າມຊາດຈີນຕ່າງປະເທດ, ທ່ານຈ່າງມາວກ່າວວ່າ, ຈີນຕ້ອງເພີ່ມທະວີການຊັກນຳການລົງທຶນຂອງນັກທຸລະກິດຕ່າງປະເທດ, ຍົກຄຸນນະພາບຂອງການດຶງດູດທຶນຕ່າງປະເທດໃຫ້ສູງຂຶ້ນຕື່ມອີກ, ຕ້ອງເອົາຈຸດໜັກຂອງການນຳໃຊ້ທຶນຕ່າງປະເທດໄວ້ຢູ່ໃນການນຳເຂົ້າບົດຮຽນຄຸ້ມຄອງແລະເຕັກນິກທີ່ກ້າວໜ້າແລະຜູ້ມີຄວາມຮູ້ຄວາມສາມາດທີ່ມີຄຸນທາດສູງຂອງຕ່າງປະເທດ, ເສີມຂະຫຍາຍບົດບາດທີ່ເປັນແບບຢ່າງໃນການນຳເຂົ້າຂອງວິສາຫະກິດທຶນຕ່າງປະເທດ.
ທ່ານຈ່າງມາວກ່າວວ່າ, ຈີນຈະປັບປຸງສະພາບແວດລ້ອມການລົງທຶນຂອງນັກທຸລະກິດຕ່າງປະເທດໃຫ້ດີຂຶ້ນຕື່ມ, ບູລະນະລະບົບກົດໝາຍທີ່ກ່ຽວພັນກັບຕ່າງປະເທດທີ່ສອດຄ່ອງກັບເສດຖະກິດຕະຫຼາດສັງຄົມນິຍົມໃຫ້ສົມບູນຂຶ້ນ, ຫຼຸດລະບຽບການພິຈາລະນາອະນຸມັດ ແລະລາຍການສຳຫຼວດອະນຸມັດໃຫ້ໜ້ອຍລົງເທື່ອລະກ້າວ, ປະດິດສ້າງວິທີນຳໃຊ້ທຶນຕ່າງປະເທດຢ່າງບໍ່ຢຸດຢັ້ງ.
|
|
