|
ດາວທຽມ"ສາງເອີເລກໜຶ່ງ"ຂອງຈີນຈະເປີດເຄື່ອງວັດແທກວິທະຍາສາດເທື່ອລະກ້າວແຕ່ວັນທີ 19 ພະຈິກນີ້ເປັນຕົ້ນໄປ
cri
Author: mo
ຕາມຂ່າວສານຊີນຮວາ: ສະພາບຫຼ້າສຸດຈາກກົມການບິນອະວະກາດແຫ່ງຊາດຈີນສະແດງໃຫ້ເຫັນວ່າ, ນັບມາຮອດ 14 ໂມງຂອງວັນທີ 18 ພະຈິກນີ້, ດາວທຽມສາງເອີເລກໜຶ່ງຂອງຈີນໄດ້ບິນອ້ອມດວງຈັນ 135 ຮອບແລ້ວ. ການທົດລອງຕ່າງໆສະແດງໃຫ້ເຫັນວ່າ, ປັດຈຸບັນ, ດາວທຽມດັ່ງກ່າວເຮັດວຽກເປັນປົກກະຕິ, ມີສະພາບເປັນຢ່າງດີ.
ວັນທີ 18 ພະຈິກນີ້, ຢູ່ທີ່ປັກກິ່ງ, ທ່ານເຜີຍຈ້າວຢູ ໂຄສົກກົມການບິນອະວະກາດແຫ່ງຊາດຈີນໄດ້ໃຫ້ສຳພາດຕໍ່ນັກຂ່າວ, ທ່ານກ່າວວ່າ, ແຕ່ເຂົ້າສູ່ໂຄຈອນເຮັດວຽກອ້ອມດວງຈັນໃນວັນທີ 7 ພະຈິກມາຮອດປັດຈຸບັນ, ດາວທຽມສາງເອີເລກໜຶ່ງໄດ້ສຳເລັດການທົດລອງວັດແທກຫຼາຍປະການແລ້ວ. ຜົນການທົດລອງສະແດງໃຫ້ເຫັນວ່າ, ດາວທຽມມີສະພາບເປັນຢ່າງດີ, ດ້ານພະລັງງານກໍ່ໝັ້ນທ່ຽງ, ການຄວບຄຸມທ່ວງທ່າ ອູນຫະພູມແລະໂທລະຄົມລ້ວນແຕ່ເປັນປົກກະຕິ.
ດາວທຽມສາງເອີເລກໜຶ່ງຈະເລີ່ມເປີດເຄື່ອງວັດແທກວິທະຍາສາດເທື່ອລະກ້າວແຕ່ຕອນຄ່ຳວັນທີ 19 ພະຈິກເປັນຕົ້ນໄປ, ກະວ່າ, ຈະສົ່ງຮູບແຜ່ນທຳອິດຄືນມາໃນທ້າຍເດືອນພະຈິກນີ້.
|
|
