|
|
 |
| (GMT+08:00)
2007-11-18 19:29:38
|
 |
|
ໂຄງການທີ່ບໍລິສັດເຫຼັກກ້າຄຸນມິງສຳຫຼວດຢັ່ງແທກຂຸດຄົ້ນແລະຫຼໍ່ຫຼອມແຮ່ຈ່ານຢູ່ລາວຈະລົງມືກໍ່ສ້າງໃນໄວໆນີ້
cri
ຕາມຂ່າວສານຊິນຮວາ,ພະແນກການຄ້າແຂວງຢຸນນານຂອງຈີນໄດ້ແຈ້ງໃຫ້ຊາບວ່າ,ຫວ່າງມໍ່ໆນີ້,ໂຄງການຮ່ວມມືກັບວິສາຫະກິດລາວສຳຫຼວດຢັ່ງແທກຂຸດຄົ້ນແລະຫຼໍ່ຫຼອມແຮ່ຈານທີ່ບໍລິສັດເຫຼັກກ້າຄຸນມິງຄວບຄຸມຫຸ້ນສ່ວນຈຳກັດລົງທຶນເກືອບ200ລ້ານໂດລານັ້ນໄດ້ຮັບການອະນຸມັດພິເສດຈາກສຳນັກງານນາຍົກລັດຖະມົມຕີລາວ,ອີກບໍ່ດົນຈະລົງມືກໍ່ສ້າງ.
ກະຊວງແຜນການແລະລົງທຶນຂອງລາວໄດ້ເບີກໃບອະນຸຍາດການລົງທຶນຂອງຕ່າງປະເທດສອງສະບັບໃຫ້ບໍລິສັດເຫຼັກກ້າຄຸນມິງ,ອະນຸມັດໃຫ້ບໍລິສັດດັ່ງກ່າວລົງທຶນ3ລ້ານ3ແສນໂດລາເພື່ອຮ່ວມທຶນກັບບໍລິສັດບໍ່ແຮ່ປາຊີຟິກເລກໜຶ່ງຈຳກັດຂອງລາວສ້າງຕັ້ງບໍລິສັດບໍ່ແຮ່ວັງວຽງລາວຈຳກັດ.ພ້ອມທັງອະນຸມັດໃຫ້ບໍລິສັດເຫຼັກກ້າຄຸນມິງລົງທຶນ168ລ້ານໂດລາເພື່ອຮ່ວມທຶນກັບກຸ່ມບໍລິສັດການຄ້າຂາເຂົ້າຂາອອກCKລາວສ້າງຕັ້ງບໍລິສັດເຫຼັກກ້າລາວຈຳກັດ,ສ້າງຕັ້ງໂຮງງານເຫຼັກກ້າທີ່ມີຄວາມສາມາດຜະລິດເຫຼັກກ້າ5ແສນໂຕນຕໍ່ປີ.
ຕາມແຜນການ,ໂຄງການດັ່ງກ່າວຈະດຳເນີນໃນເຂດບໍ່ແຮ່ເຫຼັກທີ່ມີເນື້ອທີ່25ກິໂລແມັດມົນທົນໃນແຂວງວຽງຈັນຂອງລາວ.
|
|
|
