|
ຕາມຂ່າວຈາກຫນັງສືພິມເຢິນມິນຢື້ປ້າວສະບັບຕ່າງປະເທດ:ຫວ່າງມໍ່ໆນີ້,ໃນກອງປະຊຸມເວທີປາໄສການພັດທະນາຂອງສັງຄົມແລະຫຼຸດຜ່ອນຄວາມທຸກຍາກຈີນອາຊຽນ,ທ່ານຟ້ານສິວຈ້ຽນ ຫົວຫນ້າຫ້ອງການຫຼຸດຜ່ອນຄວາມທຸກຍາກຂອງລັດຖະບານຈີນໄດ້ກ່າວວ່າ,ນັບແຕ່ດຳເນີນການປ່ຽນແປງໃຫມ່ແລະໄຂປະຕູສູ່ພາຍນອກ 30 ປີມານີ້,ວຽກງານຫຼຸດຜ່ອນຄວາມທຸກຍາກຂອງຈີນໄດ້ຮັບຜົນສຳເລັດອັນພົ້ນເດັ່ນ.
ທ່ານຟ້ານສິວຈ້ຽນກ່າວວ່າ,ປະຊາກອນຜູ່ທຸກຍາກທີ່ສຸດຂອງຈີນຈາກ 250 ລ້ານຄົນເມື່ອປີ 1978 ຫຼຸດລົງຮອດ 21 ລ້ານ 4 ແສນ 8 ຫມື່ນຄົນເມື່ອປີ 2006,ອັດຕາຄວາມທຸກຍາກ ຈາກ 30,7% ໃນ 30 ປີກ່ອນຕ່ຳຮອດ 2,3%, ປະຊາກອນຜູ່ທຸກຍາກຄິດສະເລ່ຍແລ້ວທຸກປີໄດ້ຫຼຸດລົງ 1 ລ້ານ 7 ແສນ 5 ຫມື່ນຄົນໃນ 6 ປີທີ່ຜ່ານມາ.
ທ່ານຟ້ານສິວຈ້ຽນແຈ້ງວ່າ,ຕາມຕົວເລກຄວາມທຸກຍາກຫຼ້າສຸດໃນທົ່ວໂລກຂອງທະນາຄານໂລກແຕ່ປີ 1990ຮອດປີ 2002,ອີງຕາມມາດຕະຖານລາຍຮັບຕ່ຳກວ່າ 1 ໂດລາຕໍ່ມື້,ປະຊາກອນຜູ່ທຸກຍາກຂອງຈີນໄດ້ຫຼຸດເກືອບ 200 ລ້ານ ຄົນ,ອັດສ່ວນປະຊາກອນຜູ່ທຸກຍາກທີ່ຫຼຸດຫນ້ອຍລົງຂອງຈີນໄດ້ຫຼາຍກວ່າຈຳນວນປະ ຊາກອນຜູ່ທຸກຍາກທີ່ຫຼຸດຫນ້ອຍລົງໃນທົ່ວໂລກ 90%. ຈີນໄດ້ຫຼຸດຜ່ອນຄວາມທຸກຍາກຢ່າງສຳເລັດຜົນໃນຫຼາຍສິບປີມານີ້,ນີ້ໄດ້ປະກອບ ສ່ວນອັນຕັ້ງຫນ້າເຂົ້າໃນວຽກງານຫຼຸດຜ່ອນຄວາມທຸກຍາກຂອງໂລກ
|
