|
|
 |
| (GMT+08:00)
2007-11-22 14:25:27
|
 |
|
ຈີນສ້າງສູນສັງເກດໜ່ວຍໂລກເພື່ອພັດທະນາເຕັກນິກຂໍ້ມູນຂ່າວສານອະວະກາດຂອງໜ່ວຍພິພົບ
cri
Author: mo
ຕາມຂ່າວສານຊີນຮວາ: ວັນທີ 21 ພະຈິກນີ້, ຢູ່ທີ່ປັກກິ່ງ, ສູນສັງເກດໜ່ວຍໂລກແລະທໍລະນີວິທະຍາດີຈີຕອນຂອງສະພາບັນດິດວິທະຍາສາດຈີນໄດ້ຈັດພິທີເປີດປ້າຍ. ການສ້າງຕັ້ງສູນດັ່ງກ່າວຈະຊຸກຍູ້ການພັດທະນາເຕັກໂນໂລຊີຂໍ້ມູນຂ່າວສານອະວະກາດໜ່ວຍໂລກຂອງຈີນ.
ເຕັກໂນໂລຊີຂໍ້ມູນຂ່າວສານອະວະກາດໜ່ວຍໂລກ ວັດຖຸນາໂນແມັດ ແລະວິທະຍາສາດເຕັກນິກຊີວະຊາດຖືກຖືເປັນ 3 ທະຍາສາດເຕັກນິກແນວໜ້າໃຫຍ່ ໃນສະຕະວັດທີ 21. ເຕັກນິກຂໍ້ມູນຂ່າວສານອະວະກາດຂອງຈີນເຊັ່ນການບິນແລະເຕັກນິກຄວບຄຸມການບິນອະວະກາດຈາກທາງໄກເປັນຕົ້ນໄດ້ພັດທະນາຢ່າງວ່ອງໄວ, ໄດ້ຮັບໃຊ້ຢ່າງກວ້າງຂວາງໃນດ້ານການສຳຫຼວດຊັບພະຍາກອນແລະພະລັງງານ ການຕິດຕາມວັດແທກສິ່ງແວດລ້ອມກັບໄພພິບັດ ການຕິດຕາມວັດແທກມະຫາສະໝຸດກັບອາກາດ ທີ່ດິນກັບການວາງຜັງເມືອງ ແລະອື່ນໆ.
ສູນສັງເກດໜ່ວຍໂລກປະກອບດ້ວຍສູນຄວບຄຸມດາວທຽມຈາກທາງໄກ, ສູນຄວບຄຸມການບິນອະວະກາດຈາກທາງໄກ, ສູນຂໍ້ມູນອະວະກາດ, ແລະຫ້ອງທົດລອງໜ່ວຍໂລກດີຈີຕອນ. ໃນນັ້ນ, ສູນຄວບຄຸມດາວທຽມຈາກທາງໄກ ສາມາດຮັບຂໍ້ມູນດາວທຽມ 10 ກວ່າໜ່ວຍໃນປັດຈຸບັນ, ຖ້າໂຄງການຕາໜ່າງສະຖານີຮັບຂໍ້ມູນສັງເກດວັດແທກພື້ນດິນຂອງຈີນສ້າງສຳເລັດແລ້ວ, ຈະສາມາດຮັບຂໍ້ມູນດາວທຽມທີ່ປົກຄຸມອາຊີ 70%.
|
|
|
