|
|
 |
| (GMT+08:00)
2007-11-23 16:20:12
|
 |
|
ລະດັບຫັນເປັນຂໍ້ມູນຂ່າວສານຂອງຈີນຍົກສູງຂຶ້ນຢ່າງຫຼວງຫຼາຍ
cri
ຕາມຂ່າວສານຊິນຮວາວັນທີ 23 ພະຈິກນີ້: ທ່ານຈັ່ງສຽວຊຽງ ຮອງປະທານ ຂອງຄະນະກຳມະການການພັດທະນາແລະການປະຕິຮູບແຫ່ງລັດຈີນກ່າວວ່າ,ເມື່ອໄດ້ພັດທະນາມາຫຼາຍປີແລ້ວ,ຄວາມສາມາດຂອງພື້ນຖານໂຄງລ່າງຂູຂໍ້ມູນຂ່າວສານອຸດສາຫະກຳໄຮເຕັກຈີນໄດ້ຍົກສູງຂຶ້ນຢ່າງຫຼວງຫຼາຍ,ການນຳໃຊ້ຂໍ້ມູນຂ່າວສານໄດ້ນັບມື້ນັບກວ້າງອອກ,ລະດັບຄວາມປອດໄພດ້ານຂໍ້ມູນຂ່າວສານກໍໄດ້ຮັບການຍົກສູງຂຶ້ນຢ່າງເດັ່ນຊັດ.
ທ່ານຈັ່ງສຽວຊຽງແມ່ນກ່າວໃນກອງປະຊຸມວຽກງານອຸດສາຫະກຳໄຮເຕັກຂອງທົ່ວປະເທດຈີນ 2007ທີ່ຈັດຂຶ້ນຢູ່ນະຄອນຄຸນມິງຂອງແຂວງຢຸນນານໃນຫວ່າງມໍ່ໆນີ້.
ທ່ານກ່າວວ່າ,ປະຈຸບັນ,ຂະຫນາດເຄືອຂ່າຍໂທລະຄົມຈີນໄດ້ເປັນອັນດັບທີຫນຶ່ງໃນໂລກ, ໂທລະສັບມີເຖິງ 900 ລ້ານເລກຫມາຍເຊິ່ງເປັນອັນດັບທີຫນຶ່ງໃນໂລກ,ຈຳນວນຜູ່ໃຊ້ອິນເຕີເນັດໄດ້ຫຼາຍກວ່າ 160 ລ້ານຄົນເຊິ່ງເປັນອັນດັບທີສອງໃນໂລກ.
ທ່ານຈັ່ງສຽວຊຽງກ່າວວ່າ,ພື້ນຖານໂຄງລ່າງຄວາມປອດໄພດ້ານຂໍ້ມູນຂ່າວ ສານຂອງຈີນໄດ້ຮັບການເພີ່ມຂຶ້ນ,ການຄຸ້ມຄອງຄວາມປອດໄພຂອງອິນເຕີເນັດ ໄດ້ຮັບການປັບປຸງໃຫ້ດີຂຶ້ນຕື່ມອີກ,ການຄົ້ນຄວ້າແລະຫັນເປັນອຸດສາຫະກຳຂອງເຕັກນິກຄວາມປອດໄພດ້ານຂໍ້ມູນຂ່າວສານໄດ້ຮັບຄວາມຄືບຫນ້າຢ່າງເດັ່ນຊັດ.
|
|
|
