|
|
 |
| (GMT+08:00)
2007-11-26 16:04:29
|
 |
|
ການເງິນສູນກາງຈີນຈະໃຊ້ງົບປະມານ 23 ຕື້ 500 ລ້ານຢວນຊຸກຍູ້ວຽກງານປະຢັດພະລັງງານແລະຫຼຸດການລະບາຍອາຍພິດເຮືອນແກ້ວ
cri
Author: mo
ຕາມຂ່າວCRI: ຈີນໄດ້ຕົກລົງຈັດງົບປະມານການເງິນສູນກາງ 23 ຕື້ 500 ລ້ານຢວນເພື່ອສະໜັບສະໜູນວຽກງານປະຢັດພະລັງງານແລະຫຼຸດການລະບາຍອາຍພິດເຮືອນແກ້ວ.
ໃນກອງປະຊຸມວຽກງານການເງິນທົ່ວປະເທດດ້ານການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວທີ່ຈັດຂຶ້ນຢູ່ປັກກິ່ງໃນວັນທີ 26 ພະຈິກນີ້, ນັກຂ່າວໄດ້ຊາບວ່າ: ງົບປະມານດັ່ງກ່າວຈະໃຊ້ສຳລັບຍ້ອງຍໍ 10 ກິດຈະການປະຢັດພະລັງງານທີ່ສຳຄັນ, ສ້າງເຄືອຂ່າຍຄຸ້ມຄອງຂອງໂຮງງານບຳບັດນ້ຳເປື້ອນໃນຕົວເມືອງພາກກາງແລະພາກຕາເວັນຕົກ, ສະໜັບສະໜູນເຂດດ້ອຍພັດທະນາດ້ານເສດຖະກິດປ່ຽນເຄື່ອງຜະລິດພະລັງງານທີ່ຫຼ້າຫຼັງ, ເພີ່ມທະວີຄວາມສາມາດໃນການຕິດຕາມຄຸ້ມຄອງສິ່ງແວດລ້ອມ, ເພີ່ມທະວີການປ້ອງກັນແລະປົວແປງການເຊື່ອມພິດນ້ຳໃນເຂດສຳຄັນ.
ໃນກອງປະຊຸມດັ່ງກ່າວ, ທ່ານຈ່າງຊ້າວຊຸນ ລັດຖະມົນຕີຊ່ວຍວ່າການກະຊວງການເງິນຈີນກ່າວວ່າ, ການເງິນສູນກາງຈະສະໜັບສະໜູນແລະເລັ່ງລັດສ້າງລະບົບບຳບັດນ້ຳເປື້ອນແລະລະບົບເກັບຄ່າລະບາຍສິ່ງເຊື່ອມພິດທີ່ບັງເກີດຜົນ, ເລັ່ງລັດຄົ້ນຄວ້າແລະວາງນະໂຍບາຍເກັບອາກອນແລະເກັບຄ່າເພື່ອຊຸກຍູ້ການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວ.
|
|
|
