|
|
 |
| (GMT+08:00)
2007-11-26 16:21:23
|
 |
|
ຈີນຝຣັ່ງຈະຊຸກຍູ້ການພົວພັນຄູ່ຍຸດທະສາດຮອບດ້ານໃຫ້ຂຶ້ນສູ່ລະດັບສູງກວ່າເກົ່າ
cri
Author: da
ຕາມຂ່າວCRI: ວັນທີ26ພະຈິກນີ້ ຢູ່ປັກກິ່ງ ທ່ານຫູຈີນທາວ ປະທານປະເທດຈີນໄດ້ພົບປະເຈລະຈາກັບທ່ານນີໂກລັສ ຊາໂກຊີ ປະທານາທິບໍດີຝຣັ່ງທີ່ພວມຢ້ຽມຢາມ,ປະມຸກລັດຈີນຝຣັ່ງເປັນເອກະສັນກັນເຫັນດີຊຸກຍູ້ການພົວພັນຄູ່ຍຸດທະສາດຮອບດ້ານໃຫ້ຂຶ້ນສູ່ລະດັບສູງກວ່າເກົ່າແລະກວ້າງກວ່າເກົ່າ.
ທ່ານຫູຈີນທາວຊົມເຊີຍທ່ານຊາໂກຊີທີ່ຍຶດໝັ້ນນະໂຍບາຍຈີນດຽວ ຄັດຄ້ານ"ໄຕ້ຫວັນເປັນເອກະລາດ"ແລະສະໜັບສະໜູນພາລະກິດການເຕົ້າໂຮມເປັນເອກະພາບກັນໂດຍສັນຕິຂອງຈີນນັບແຕ່ທ່ານຂຶ້ນຮັບຕຳແໜ່ງມານີ້.ທ່ານກ່າວວ່າ,ປະຈຸບັນ ການພົວພັນຈີນຝຣັ່ງໄດ້ກ້າວເຂົ້າສູ່ໄລຍະຂະຫຍາຍຕົວໃໝ່ແລ້ວ,ຈີນຍິນດີຮ່ວມກັບຝຣັ່ງລົງເລິກຂະຫຍາຍການພົວພັນດ້ານການເມືອງລະຫວ່າງສອງຝ່າຍຕື່ມອີກ,ເພີ່ມຄວາມໄວ້ເນື້ອເຊື່ອໃຈທາງຍຸດທະສາດ;ເພີ່ມການຮ່ວມມືຫຼາຍຝ່າຍລະຫວ່າງຊາດຕື່ມອີກ,ພ້ອມກັນຮັບມືກັບການທ້າທາຍ;ເປີດກວ້າງການຮ່ວມມືທາງເສດຖະກິດການຄ້າລະຫວ່າງສອງປະເທດຕື່ມອີກ,ຊົມໃຊ້ໂອກາດພັດທະນາຮ່ວມກັນ;ເພີ່ມການແລກປ່ຽນໃນຂົງເຂດວັດທະນະທຳໃຫ້ສົມບູນຕື່ມອີກ,ສົ່ງເສີມມິດຕະພາບອັນເປັນມູນເຊື້ອ.
ໃນເວລາກ່າວເຖິງການພົວພັນຈີນເອີລົບ,ທ່ານຫູຈີນທາວຫວັງໃຫ້ຝຣັ່ງສືບຕໍ່ເສີມຂະຫຍາຍຜົນສະທ້ອນແລະບົດບາດອັນຕັ້ງໜ້າພາຍໃນຂອບສະຫະພາບເອີລົບ.ທ່ານຊາໂກຊີກ່າວວ່າ,ຝຣັ່ງຈະສືບຕໍ່ຊຸກຍູ້ການພົວພັນຝຣັ່ງຈີນແລະການພົວພັນເອີລົບຈີນໃຫ້ຂະຫຍາຍກ້າວສູ່ລວງເລິກຢ່າງບໍ່ຢຸດຢັ້ງດ້ວຍການກະທຳຕົວຈິງ.
ຫຼັງການພົບປະເຈລະຈາ,ປະມຸກລັດສອງປະເທດໄດ້ເຂົ້າຮ່ວມພິທີລົງນາມໃນເອກະສານຮ່ວມມືໃນຂົງເຂດອະນຸລັກສິ່ງແວດລ້ອມ ພະລັງງານນິວເຄຼຍ ສື່ສານ ການບິນ ການບິນພົນລະເຮືອນແລະອື່ນໆລວມ20ກວ່າສະບັບ,ແລະຖະແຫຼງຂ່າວຮ່ວມກັນ.
|
|
|
