|
|
 |
| (GMT+08:00)
2007-11-26 17:14:51
|
 |
|
ຈີນເຜີຍແຜ່ຮູບຜິວດວງຈັນໃບທຳອິດທີ່ດາວທຽມຊາງເອີເລກຫນຶ່ງສົ່ງມາ
cri
ຕອນເຊົ້າວັນທີ 26 ພະຈິກນີ້,ກົມການບິນອະວະກາດແຫ່ງຊາດຈີນໄດ້ເຜີຍແຜ່ຮູບພາບຜິວດວງຈັນໃບທຳອິດທີ່ດາວທຽມຊາງເອີເລກຫນຶ່ງເຊິ່ງເປັນດາວທຽມສຳຫຼວດດວງຈັນຫນ່ວຍທຳອິດຂອງຈີນສົ່ງລົງມາ,ນີ້ເປັນຂີດຫມາຍສະແດງໃຫ້ເຫັນວ່າ ໂຄງການສຳຫຼວດ ດວງຈັນຂອງຈີນເທື່ອທຳອິດໄດ້ຮັບຜົນສຳເລັດຢ່າງເຕັມເມັດເຕັມຫນ່ວຍ
ຮູບພາບນນີ້ແມ່ນຮູບຈຸດສູງຂອງດວງຈັນ ມີຂຸມນ້ອຍໆໃຫຍ່ໆທີ່ມີຮູບຕ່າງກັນ ອົງປະກອບຕ່າງກັນແລະເວລາກຳເນີດຂຶ້ນຕ່າງກັນແຈກຢາຍກັນຢູ່
ໃນພິທີເຜີຍແຜ່ພາບທີ່ຈັດຂຶ້ນຢູ່ປັກກິ່ງໃນມື້ດຽວກັນ,ທ່ານເວີ່ນເຈ່ຍປາວ ນາຍົກລັດຖະມົນຕີຈີນກ່າວວ່າ ໂຄງການສຳຫຼວດດວງຈັນເທື່ອທຳອິດໄດ້ຮັບຜົນສຳເລັດຢ່າງສົມບູນ ເຮັດໃຫ້ຈີນກ້າວຂຶ້ນສູ່ຖັນແຖວທີ່ປະເທດທີ່ມີຄວາມສາມາດສຳຫຼວດອະວະກາດໃນໂລກ ນີ້ແມ່ນການສະແດງອອກທີ່ສຳຄັນທີ່ສະແດງໃຫ້ເຫັນວ່າກຳລັງແຮງສັງລວມແຫ່ງຊາດຈີນສູງຂຶ້ນຢ່າງເດັ່ນຊັດ ຄວາມສາມາດປະດິດສ້າງໂດຍຕົນເອງແລະລະດັບວິທະຍາສາດເຕັກໂນໂລຢີຂອງຈີນໄດ້ຍົກສູງຂຶ້ນຢ່າງບໍ່ຢຸດຢັ້ງ
|
|
|
