|
ທ່ານນາງກູຊິ້ວລຽນກ່າວເນັ້ນຊຸກຍູ້ພັດທະນາການສຶກສາເພື່ອແມ່ຍິງເພື່ອຍົກຄວາມສາມາດຂອງແມ່ຍິງໃຫ້ສູງຂຶ້ນ
cri
ຕາມຂ່າວສານຊິນຮວາ,ວັນທີ25ພະຈິກນີ້,ຢູ່ທີ່ປັກກິ່ງ,ທ່ານນາງກູຊິ້ວລຽນ ຮອງປະທານ ສະພາປະຊາຊົນແຫ່ງຊາດຈີນ ປະທານສະຫະພັນແມ່ຍິງແຫ່ງຊາດຈີນກ່າວເນັ້ນວ່າ,ຕ້ອງຊຸກຍູ້ພັດທະນາການສຶກສາເພື່ອແມ່ຍິງຕື່ມອີກ,ເພື່ອຍົກ ຄວາມສາມາດຂອງແມ່ຍິງໃຫ້ສູງຂຶ້ນໂດຍທົ່ວໄປ.
ໃນງານສຳມະນາທີ່ຈັດຂຶ້ນໃນມື້ດຽວກັນ,ທ່ານນາງກູຊິ້ວລຽນໄດ້ຊີ້ອອກວ່າ,ການຊຸກຍູ້ພັດທະນາການສຶກສາເພື່ອແມ່ຍິງ,ຍົກລະດັບຄວາມຮູ້ຄວາມສາມາດຂອງແມ່ຍິງໃຫ້ສູງຂຶ້ນໂດຍທົ່ວໄປແມ່ນຄວາມຮຽກຮ້ອງອັນຮີບດ່ວນແຫ່ງການຜັນຂະຫຍາຍນະໂຍບາຍພື້ນຖານສົ່ງເສີມບົດບາດຍິງ-ຊາຍຂອງລັດ,ອອກແຮງພັດທະນາຊັບພະຍາກອນມະນຸດເພດຍິງ,ເຮັດໃຫ້ແມ່ຍິງບັນລຸຄວາມກ້າວໜ້າແລະການພັດທະນາຕົວເອງ.ບົນພື້ນຖານທີ່ທົບທວນຄືນຜົນໄດ້ຮັບຕົ້ນຕໍແລະບົດຮຽນໃນດ້ານພັດທະນາການສຶກສາເພື່ອແມ່ຍິງຂອງຈີນໃນຫຼາຍປີມໍ່ໆມານີ້,ນາງໄດ້ສະເໜີໜ້າທີ່ແລະຄວາມຮຽກຮ້ອງພື້ນຖານແຫ່ງການຊຸກຍູ້ພັດທະນາການສຶກສາເພື່ອແມ່ຍິງ.ນາງຊີ້ອອກວ່າ,ຕ້ອງຍຶດໝັ້ນພັດທະນະທັດວິທະຍາສາດ,ຊຸກຍູ້ຄວາມທ່ຽງທຳດ້ານການສຶກສາຕື່ມອີກ,ຄົ້ນຄວ້າກົດເກນແຫ່ງການສຶກສາແມ່ຍິງ.ຕ້ອງເຮັດໃຫ້ສົງຄົມມີຄວາມຮັບຮູ້ຕື່ມອີກຕໍ່ຄວາມສຳຄັນແຫ່ງການສຶກສາເພື່ອແມ່ຍິງ,ສ້າງແລະປັບປຸງລະບົບສຶກສາອົບຮົມແມ່ຍິງທົ່ວປະເທດຈີນໃຫ້ສົມບູນຂຶ້ນກວ່າເກົ່າ.
|
|
