|
ວັນທີ 27 ພະຈິກນີ້,ຢູ່ທີ່ປັກກິ່ງ,ທ່ານນາງກູ້ສິວລຽນ ຮອງປະທານຄະນະປະຈຳສະພາປະຊາຊົນແຫ່ງຊາດຈີນທັງເປັນປະທານສະຫະພັນແມ່ຍິງທົ່ວປະເທດຈີນໄດ້ກ່າວວ່າ,ລັດຖະບານຈີນໄດ້ຖືການຊຸກຍູ້ໃຫ້ບັນລຸ ຄວາມ ສະເຫມີພາບລະຫວ່າງຍິງຊາຍເປັນນະໂຍບາຍພື້ນຖານຂອງຊາດທີ່ຊຸກຍູ້ໃຫ້ປະເທດແລະສັງຄົມພັດທະນາ,ອອກແຮງຊຸກຍູ້ໃຫ້ວຽກງານແມ່ຍິງຂະຫຍາຍຕົວແລະກ້າວຫນ້າຢ່າງບໍ່ຢຸດຢັ້ງ.
ໃນກອງປະຊຸມສະມາຊິກສະພາແຫ່ງຊາດເພດຍິງແລະລັດຖະມົນຕີເພດຍິງຂອງອາຊີຄັ້ງທີ 5 ທີ່ຈັດຂຶ້ນໃນມື້ດຽວກັນ,ທ່ານນາງກູ້ສິວລຽນກ່າວວ່າ,ລັດ ຖະບານຈີນໄດ້ສ້າງກົນໄກຂອງລັດທີ່ຊຸກຍູ້ຄວາມສະເຫມີພາບລະຫວ່າງຍິງຊາຍ, ບູລະນະລະບົບກົດຫມາຍກົດບັນຍັດແລະລະບົບວຽກງານທີ່ຊຸກຍູ້ການພັດທະນາຂອງ ແມ່ຍິງແລະຮັບປະກັນສິດແລະຜົນປະໂຫຍດຂອງແມ່ຍິງໃຫ້ສົມບູນຂຶ້ນ,ແລ້ວ ປະກອບເປັນສະຖານະພາບອັນດີງາມທີ່ທົ່ວສັງຄົມຮ່ວມກັນເອົາໃຈໃສ່ແລະສະຫນັບສະຫນູນວຽກງານແມ່ຍິງ.ໃນຫຼາຍປີມານີ້,ຈີນໄດ້ອອກແຮງຊຸກຍູ້ໃຫ້ການສຶກສາພາບບັງ ຄັບພັດທະນາຢ່າງດຸນດຽງກັນ,ຮັບປະກັນໃຫ້ແມ່ຍິງແລະເດັກຍິງຜູ່ທຸກຍາກມີສິດ ທີ່ໄດ້ຮັບການສຶກສາຢ່າງສະເຫມີພາບ,ປົກປັກຮັກສາສິດຜົນປະໂຫຍດຂອງເດັກນ້ອຍໄດ້ຍ້າຍທີ່ຢູ່ນຳພໍ່ແມ່ໄດ້ຮັບການສຶກສາຢ່າງແທ້ຈິງແລະດຳເນີນກິດຈະການລຶບລ້າງຄວາມກືກຫນັງສືຢ່າງຕັ້ງຫນ້າ,ແລະໄດ້ຮັບຫມາກຜົນຢ່າງເດັ່ນຊັດ.
|
