|
ເຂດໃໝ່ພູຕົ່ງຂອງນະຄອນຊຽງໄຮ້ຈີນດຶງດູດທຶນຕ່າງປະເທດໃນຂໍ້ຜູກພັນເກືອບ 40 ຕື້ໂດລາ
cri
ຕາມຂ່າວ CRI: ນັບແຕ່ເຂດພູຕົ່ງຂອງນະຄອນຊຽງໄຮ້ຈີນພັດທະນາແລະເປີດປະຕູສູ່ພາຍນອກໃນ 17 ປີມານີ້, ໄດ້ອະນຸມັດໂຄງການທຶນຕ່າງປະເທດເກືອບ 1 ໝື່ນ 6 ພັນໂຄງການ, ທຶນຕ່າງປະເທດໃນຂໍ້ຜູກພັນເກືອບ 40 ຕື້ໂດລາ.
ວັນທີ 27 ພະຈິກນີ້, ໃນເວລາໃຫ້ສຳພາດຕໍ່ນັກຂ່າວ, ທ່ານຊຸ່ນຢົງຊຽງ ຮອງຫົວໜ້າຄະນະກຳມະການເສດຖະກິດເຂດ ໃໝ່ ພູຕົ່ງ ກ່າວວ່າ, ໃນຫຼາຍປີມານີ້, ໃນດ້ານການດຶງດູດທຶນຕ່າງປະເທດ, ເຂດໃໝ່ພູຕົ່ງກຳລັງຫັນປ່ຽນຈາກປະລິມານໄປສູ່ຄຸນນະພາບ,ໂຄງການທຶນຕ່າງປະເທດຄ່ອຍໆຫັນເປັນຖືການບໍລິການແລະການຜະລິດລະດັບສູງເປັນຕົ້ນຕໍ.
ທ່ານກ່າວວ່າ, ໃນຫຼາຍປີຕໍ່ໜ້າ, ເຂດ ໃໝ່ ພູຕົ່ງ ຍັງຈະນຳໃຊ້ທ່າແຮງທີ່ເປັນທ່າກ່ຳປັ່ນ, ຕັ້ງໜ້າຊັກນຳທຶນຕ່າງປະເທດໄປລົງທຶນຢູ່ຂະແໜງການຈໍລະຈອນສິນຄ້າແລະການຄ້າ. ອີງຕາມແຜນການສ້າງນະຄອນຊຽງໄຮ້ໃຫ້ກາຍເປັນສູນການເງິນສາກົນໃນປີ 2020ຂອງລັດຖະບານສູນກາງ, ເຂດພູຕົ່ງຍັງຈະດຳເນີນການຊອກຄົ້ນອັນຕັ້ງໜ້າຕ່າງໆໃນດ້ານພັດທະນາການເງິນ.
|
|
