|
|
 |
| (GMT+08:00)
2007-11-28 17:53:59
|
 |
|
ຈີນຄັດຄ້ານການຂົ່ມຂູ່ຢ່າງເປີດເຜີຍທີ່ມີຕໍ່ຄວາມປອດໄພຂອງທະຫານຮັກສາສັນຕິພາບຂອງຈີນ
cri
ຕາມຂ່າວສານຊິນຮວາ,ໃນເວລາໃຫ້ສຳພາດຕໍ່ນັກຂ່າວຢູ່ປັກກິ່ງໃນວັນທີ28ພະຈິກນີ້,ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ຈີນຄັດຄ້ານການຂົ່ມຂູ່ຢ່າງເປີດເຜີຍທີ່ມີຕໍ່ຄວາມປອດໄພຂອງທະຫານຮັກສາສັນຕິພາບຂອງຈີນ.
ມີນັກຂ່າວຖາມວ່າ,ຕາມຂ່າວແຈ້ງວ່າ,ຂະບວນການຍຸດຕິທຳແລະສະເໝີພາບເຊິ່ງເປັນກຸ່ມປະກອບອາວຸດຕ້ານລັດຖະບານຊູດັງກ່າວວ່າບໍ່ຍິນດີຕ້ອນຮັບແລະກໍບໍ່ອະນຸຍາດໃຫ້ທະຫານຊ່າງຮັກສາສັນຕິພາບຈີນເຂົ້າສູ່ເຂດຄວບຄຸມຂອງອົງການດັ່ງກ່າວແລະຮຽກຮ້ອງໃຫ້ກອງທະຫານຮັກສາສັນຕິພາບຂອງຈີນອອກຈາກຊູດັງໃນທັນທີ,ຖ້າບໍ່ດັ່ງນັ້ນຈະໃຊ້ການເຄື່ອນໄຫວທີ່ກ່ຽວຂ້ອງ?
ກ່ຽວກັບເລື່ອງນີ້,ທ່ານຊິນກ່າງກ່າວວ່າ,ຈີນເຂົ້າໃຈຍາກແລະກໍ່ບໍ່ຮັບເອົາຄຳຕິຕຽນຕໍ່ຈີນທີ່ເຂົ້າຮ່ວມການຮັກສາສັນຕິພາບຂອງເຂດດາຟູ.ຄວາມປອດໄພຂອງເຈົ້າໜ້າທີ່ຮັກສາສັນຕິພາບສະຫະປະຊາຊາດເຊິ່ງລວມທັງເຈົ້າໜ້າທີ່ຂອງຈີນຕ້ອງໄດ້ຮັບການຮັບປະກັນ.
ທ່ານຊິນກ່າງກ່າວວ່າ,ໂດຍຕອບສະໜອງຕາມຄຳເຊີນຂອງສະຫະປະຊາຊາດ,ລັດຖະບານຈີນຕົກລົງສົ່ງກອງທະຫານຊ່າງຫຼາຍຂະແໜງ315ຄົນໄປປະຕິບັດໜ້າທີ່ຮັກສາສັນຕິພາບຢູ່ເຂດດາຟູຂອງຊູດັງ.ປັດຈຸບັນ,ຈີນພວມອີງຕາມຄວາມຮ້ອງຂໍຂອງສະຫະປະຊາຊາດ,ໄດ້ຈັດວາງກອງທະຫານຊ່າງຂອງຈີນພ້ອມແລ້ວ,ຕົ້ນຕໍຈະປະຕິບັດໜ້າທີ່ສ້າງຖະໜົນ,ຂົວແລະຂຸດນ້ຳສ້າງເປັນຕົ້ນ.
|
|
|
