|
ຕາມຂ່າວCRI,ວັນທີ29ພະຈິກນີ້,ທ່ານລິວຈ້ຽນຊ່າວ ໂຄສົກກະຊວງການຕ່າງປະທດຈີນໄດ້ໃຫ້ຄວາມກະຈ່າງແຈ້ງຕໍ່ການລາຍງານຂ່າວທີ່ບໍ່ຖືກຕາມຄວາມຈິງກ່ຽວກັບກ່ຳປັ່ນບັນທຸກເຮືອບິນ"ກິຕິຮອກ"ອາເມລິກາຢ້ຽມຢາມຮົງກົງ.
ກ່ອນນີ້,ມີສື່ມວນຊົນລາຍງານວ່າ,ຍ້ອນໃນທີ່ສຸດ,ກ່ຳປັ່ນບັນທຸກເຮືອບິນ"ກິຕິຮອກ"ບໍ່ໄດ້ໄປຢ້ຽມຢາມຮົງກົງ,ສະນັ້ນ,ອາເມລິກາໄດ້ສະແດງຄວາມບໍ່ພໍໃຈຕໍ່ຈີນຢ່າງເປັນທາງການ.
ໃນເວລາຕອບຄຳຖາມຂອງນັກຂ່າວກ່ຽວກັບເລື່ອງນີ້,ທ່ານລິວຈ້ຽນຊາວກ່າວວ່າ,ການລາຍງານຂ່າວດັ່ງກ່າວບໍ່ຖືກຕາມຄວາມຈິງ,ຈີນບໍ່ໄດ້ຮັບການກ່າວປະທ້ວງຈາກອາເມລິກາເລີຍ,ແລະຈີນກໍເຫັນວ່າຕໍ່ບັນຫາດັ່ງກາວບໍ່ຄວນມີການກ່າວປະທ້ວງໃດໆ.
ທ່ານລິວຈ້ຽນຊ່າວກ່າວວ່າ,ກ່ຽວກັບກ່ຳປັ່ນບັນທຸກເຮືອບິນ"ກິຕິຮອກ"ຢ້ຽມຢາມຮົງກົງ,ຈີນແມ່ນຄົ້ນຄວ້າອະນຸມັດຕາມຫຼັກການອະທິປະໄຕແລະສະພາບຕົວຈິງຕະຫຼອດມາ. ຍ້ອນສາຍເຫດດ້ານສິດທິມະນຸດ,ຈີນຈຶ່ງເຫັນດີໃຫ້ກ່ຳປັ່ນບັນທຸກເຮືອບິນ"ກິຕິຮອກ"ຢ້ຽມຢາມຮົງກົງ,ສ່ວນພາຍລຸນມາອາເມລິກາໄດ້ມີການຕົກລົງແນວໃດນັ້ນມັນແມ່ນເລື່ອງຂອງຝ່າຍອາເມລິກາເອງ.
ຕາມແຜນການ,ກ່ຳປັ່ນບັນທຸກເຮືອບິນ"ກິຕິຮອກ"ອາເມລິກາຈະຢ້ຽມຢາມຮົງກົງກ່ອນມື້ບຸນຂອບໃຈພະເຈົ້າ1ວັນ,ເພື່ອໃຫ້ນາຍແລະພົນທະຫານເທິງກ່ຳປັ່ນໄດ້ຮ່ວມກັນສະຫຼອງບຸນດັ່ງກ່າວກັບຄອບຄົວ.ພາຍຫຼັງຈີນເຫັນດີຕໍ່ການຢ້ຽມຢາມດັ່ງກ່າວແລ້ວ,ອາເມລິກາໄດ້ປ່ຽນໃຈບໍ່ໄປຢາມຮົງກົງ.
|
