|
|
 |
| (GMT+08:00)
2007-11-29 18:31:18
|
 |
|
ນະໂຍບາຍອຸດສາຫະກຳຖ່ານຫີນສະບັບທຳອິດຂອງຈີນປະກາດຕໍ່ພາຍນອກຢ່າງເປັນທາງການ
cri
ຕາມຂ່າວ CRI: ວັນທີ 29 ພະຈິກນີ້, ຢູ່ທີ່ປັກກິ່ງໄດ້ປະກາດນະໂຍບາຍອຸດສາຫະກຳຖ່ານຫີນສະບັບທຳອິດຂອງຈີນ. ນະໂຍບາຍດັ່ງກ່າວຈະເສີມຂະຫຍາຍບົດບາດອັນຕັ້ງໜ້າໃນດ້ານຕ່າງໆ, ເຊັ່ນ: ການອະນຸຍາດໃຫ້ດຳເນີນອຸດສາຫະກຳຖ່ານຫີນເຂັ້ມງວດກວ່າເກົ່າ, ຮັບປະກັນການຜະລິດຖ່ານຫີນຢ່າງປອດໄພ, ແລະເພີ່ມທະວີການອະນຸລັກສິ່ງແວດລ້ອມເປັນຕົ້ນ.
ນະໂຍບາຍອຸດສາຫະກຳຖ່ານຫີນຈະວາງນະໂຍບາຍທີ່ກ່ຽວຂ້ອງຢ່າງຈະແຈ້ງໃນດ້ານຕ່າງໆ, ເຊັ່ນ: ການອະນຸຍາດໃຫ້ເຮັດອຸດສາຫະກຳ, ການຜະລິດຢ່າງປອດໄພ, ການປະຢັດການນຳໃຊ້ຖ່ານຫີນແລະການອະນຸລັກສິ່ງແວດລ້ອມເປັນຕົ້ນ, ແລະໄດ້ສະເໜີເປົ້າໝາຍພັດທະນາອຸດສາຫະກຳຖ່ານຫີນພ້ອມດ້ວຍມາດຕະການຮັບປະກັນການບັນລຸເປົ້າໝາຍ.
ໃນດ້ານການປະຢັດພະລັງງານແລະອະນຸລັກສິ່ງແວດລ້ອມ, ນະໂຍບາຍອຸດສາຫະກຳຖ່ານຫີນໄດ້ສະເໜີຍຸດທະສາດພັດທະນາທີ່ປະຕິບັດການປະຢັດກ່ອນໝູ່, ຍົກສູງປະສິດທິພາບນຳໃຊ້ຊັບພະຍາກອນຖ່ານຫີນ, ຊຸກຍູ້ການຄຸ້ມຄອງສິ່ງແວດລ້ອມບໍ່ຖ່ານຫີນໂດຍລວມ, ສ້າງລະບຽບການປະເມີນຄວາມສາມາດຫາບແບກຂອງສິ່ງແວດລ້ອມເຂດບໍ່ຖ່ານຫີນແລະສ້າງລະບົບຕົວເລກຄາດໝາຍຂອງການຕີລາຄາ.
|
|
|
