|
|
 |
| (GMT+08:00)
2007-11-30 18:47:35
|
 |
|
ຈີນໄດ້ຮັບເລືອກຕັ້ງເປັນສະມາຊິກຄະນະບໍລິຫານງານອົງການສັງເກດຕິດຕາມໜ່ວຍໂລກອີກ
cri
ຕາມຂ່າວCRI,ວັນທີ30ພະຈິກນີ້,ກົມອຸຕຸນິຍົມຈີນແຈ້ງໃຫ້ຊາບວ່າ,ໃນກອງປະຊຸມຄົບຄະນະຄັ້ງທີ4ຂອງອົງການສັງເກດຕິດຕາມໜ່ວຍໂລກທີ່ຈັດຂຶ້ນຢູ່ອາຟິຼກກາໃຕ້ໃນຫວ່າງມໍ່ໆນີ້,ຈີນໄດ້ຮັບເລືອກຕັ້ງເປັນສະມາຊິກຄະນະບໍລິຫານງານຂອງອົງການດັ່ງກ່າວອີກເທື່ອໜຶ່ງ.ດຣເຈິ້ງໂກກວ່າງ ຫົວໜ້າກົມອຸຕຸນິຍົມຈີນເປັນປະທານປະສົມຂອງອົງການດັ່ງກ່າວອີກວາລະໜຶ່ງ.
ກົມອຸຕຸນິຍົມຈີນກ່າວວ່າ,ຈີນໄດ້ຮັບເລືອກຕັ້ງເປັນສະມາຊິກຄະນະບໍລິຫານງານອົງການສັງເກດຕິດຕາມໜ່ວຍໂລກອີກ,ໄດ້ຢັ້ງຢືນເຖິງບົດບາດສາກົນຂອງຈີນໃນຂົງເຂດສັງເກດຕິດຕາມໜ່ວຍໂລກອີກເທື່ອໜຶ່ງ.ຄຽງຄູ່ກັບຄວາມກ້າວໜ້າຂອງເຕັກນິກບັນຊາທາງໄກໃນອະວະກາດ,ຈີນຈະເສີມຂະຫຍາຍບົດບາດສຳຄັນຫຼາຍກວ່າເກົ່າໃນການສ້າງລະບົບສັງເກດຕິດຕາມທົ່ວໂລກແລະການພັດທະນາຂອງອົງການນີ້.
ອົງການສັງເກດຕິດຕາມໜ່ວຍໂລກແມ່ນອົງການສາກົນລະຫວ່າາງລັດຖະບານທີ່ສ້າງຕັ້ງຂຶ້ນເມື່ອປີ2005,ອົງການນີ້ໄດ້ລິເລີ່ມສ້າງລະບົບ ລວມເພື່ອສັງເກດຕິດຕາມໜ່ວຍໂລກໃນທົ່ວໂລກ.ຈີນແມ່ນໜຶ່ງໃນບັນດາປະເທດທີ່ລິເລີ່ມສ້າງອົງການດັ່ງກ່າວ.ປັດຈຸບັນ,ອົງການນີ້ມີປະເທດສະມາຊິກເຖິງ73ປະເທດ,ກາຍເປັນອົງການສາກົນຂະໜາດໃຫຍ່ກວ່າໝູ່ໃນຂົງເຂດສັງເກດຕິດຕາມໜ່ວຍໂລກໃນປັດຈຸບັນ.
|
|
|
