|
|
 |
| (GMT+08:00)
2007-12-01 18:42:31
|
 |
|
ທ່ານຫູຈິນທາວສຳຫຼວດວຽກງານປ້ອງກັນແລະປິ່ນປົວພະຍາດເອດຢູ່ປັກກິ່ງ
cri
Author: da
ຕາມຂ່າວCRI: ເນື່ອງໃນໂອກາດວັນພະຍາດເອດໂລກຄັ້ງທີ20ວຽນມາເຖິງ,ວັນທີ30 ພະຈິກແລ້ວນີ້,ທ່ານຫູຈິນທາວ ປະທານປະເທດຈີນໄດ້ສຳຫຼວດວຽກງານປ້ອງກັນແລະປິ່ນປົວພະຍາດເອດຢູ່ເຂດຊາວຢາງນະຄອນຫຼວງປັກກິ່ງ.
ຢູ່ສູນປ້ອງກັນແລະຄວບຄຸມພະຍາດເຂດຊາວຢາງ,ທ່ານຫູຈິນທາວໄດ້ຢາມຜູ່ເປັນພະຍາດເອດແລະພະນັກງານແພດ,ຊອກຮູ້ສະພາບວຽກງານປ້ອງກັນແລະປິ່ນປົວພະຍາດເອດ,ທັງເປັນເຈົ້າການຈັບມືແລະລົມກັບຜູ່ເປັນພະຍາດເອດ.ໃນເວລາລົມກັບຄອບຄົວຂອງຜູ່ເປັນພະຍາດເອດ, ທ່ານຫູຈິນທາວກ່າວວ່າ,ລັດຖະບານຈີນເອົາໃຈໃສ່ນຳຄອບຄົວຂອງຜູ່ເປັນພະຍາດເອດຕະຫຼອດໄປ,ຈະອອກແຮງສຸດຂີດຊ່ວຍເຫຼືອຢ່າງຈິງຈັງ,ຫວັງໃຫ້ຄອບຄົວຂອງຜູ່ເປັນພະຍາດເອດຮູ້ກັບຄວາມຫຍຸ້ງຍາກຢ່າງກ້າຫານ,ເຊີດຊູກຳລັງໃຈແລະເບິ່ງແຍງຄົນເປັນພະຍາດເອດດ້ວຍຄວາມຮັກແພງ,ເຮັດໃຫ້ເຂົາເຈົ້າໄດ້ຮັບຄວາມອົບອຸ່ນຈາກຄອບຄົວ.
ຫຼັງຈາກນັ້ນ,ທ່ານຫູຈິນທາວໄປຮອດຄຸ້ມຊິ້ວສວຍຢວນເຂດຊາວຢາງ.ຄຸ້ມນີ້ແມ່ນ ບ່ອນທົດລອງເພື່ອປ້ອງກັນແລະປິ່ນປົວພະຍາດເອດແຫ່ງທຳອິດຂອງນະຄອນຫຼວງປັກກິ່ງ.ທ່ານຫູຈິນທາວລົມກັບປະຊາຊົນຂອງຄຸ້ມນີ້,ສະແດງຄວາມຢື້ຢາມຖາມຂ່າວແລະເຄົາລົບນັບຖືຕໍ່ອາສາສະໝັກທີ່ຕັ້ງໜ້າເຂົ້າຮ່ວມວຽກງານປ້ອງກັນແລະປິ່ນປົວພະຍາດເອດ.ຜູ່ຕາງໜ້າຂອງອົງການສາກົນປະຈຳຈີນຈຳນວນໜຶ່ງກໍໄປຮອດຄຸ້ມຊິ້ວສວຍຢວນ,ເຂົ້າຮ່ວມກິດຈະກຳປ້ອງກັນແລະປິ່ນປົວພະຍາດເອດ.ທ່ານຫູຈິນທາວສະແດງຄວາມຊົມເຊີຍຢ່າງຈິງຈັງຕໍ່ພວກທ່ານ.
|
|
|
