|
ຕາມຂ່າວCRI,ວັນທີ2ທັນວານີ້,ຢູ່ທີ່ປັກກິ່ງ,ທ່ານເວິ່ນເຈ່ຍປາວ(ຂວາ) ນາຍົກລັດຖະມົນຕີຈີນໄດ້ພົບປະກັບທ່ານມາຊາຮິໂຄ ໂຄມູຣາ (ຊ້າຍ)ລັດຖະມົນຕີວ່າກາກກະຊວງການຕ່າງປະເທດຍີ່ປຸ່ນພ້ອມດ້ວຍຄະນະທີ່ມາຈີນເຂົ້າຮ່ວມການເຈລະຈາດ້ານເສດຖະກິດລະດັບສູງຈີນຍີ່ປຸ່ນຄັ້ງປະຖົມມະເລີກ.ທ່ານຫວັງໃຫ້ຈີນແລະຍີ່ປຸ່ນນຳໃຊ້ກົນໄກດັ່ງກ່າວຢ່າງເຕັມທີ່,ເພື່ອເຮັດໃຫ້ການພົວພັນດ້ານເສດຖະກິດການຄ້າລະຫວ່າງສອງປະເທດພັດທະນາຢ່າງສືບເນື່ອງ ໝັ້ນທ່ຽງແລະປອດໃສ.
ທ່ານເວິ່ນເຈ່ຍປາວກ່າວວ່າ,ປີໜ້າແມ່ນການເຊັນສົນທິສັນຍາສັນຕິພາບມິດຕະພາບຈີນຍີ່ປຸ່ນຄົບຮອບ30ປີ,ສອງຝ່າຍຄວນຈັບໂອກາດນີ້ເພີ່ມທະວີການແລກປ່ຽນແລະການຮ່ວມມື,ຮ່ວມກັນທຳຄວາມພະຍາຍາມເພື່ອບັນລຸເປົ້າໝາຍທີ່ຢູ່ຮ່ວມກັນໂດຍສັນຕິ ມີໄມຕີຈິດທຸກເຊັ່ນຄົນ ຮ່ວມມືກັນແບບຕ່າງຝ່າຍຕ່າງມີຜົນປະໂຫຍດແລະພັດທະນາພ້ອມກັນ.
ທ່ານມາຊາຮິໂຄ ໂຄມູຣາ ກ່າວວ່າ,ຍີ່ປຸ່ນຍິນດີສືບຕໍ່ຊຸກຍູ້ການເຈລະຈາເສດຖະກິດລະດັບສູງຍີ່ປຸ່ນຈີນ,ຊຸກຍູ້ໃຫ້ການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດລະຫວ່າງຍີ່ປຸ່ນຈີນກ້າວໄປໜ້າຢ່າງບໍ່ຢຸດຢັ້ງ.
ມື້ດຽວກັນ,ຢູ່ທີ່ປັກກິ່ງ,ທ່ານຖາງເຈ່ຍສວນ ທີ່ປຶກສາແຫ່ງລັດຈີນໄດ້ພົບປະກັບທ່ານມາຊາຮິໂຄໂຄມູຣາ ລັດຖະມົນຕີວ່າການກະຊວງການຕ່າງປະເທດຍີ່ປຸ່ນ.
|
