|
ຈີນພະຍາຍາມກາຍເປັນປະເທດທີ່ມີສິ່ງແວດລ້ອມທຳມະຊາດທີ່ດີໃນປີ 2020
cri
ຕາມຂ່າວ CRI:ວັນທີ 4 ທັນວານີ້ ຢູ່ປັກກິ່ງ,ທ່ານຈູ້ເລ້ຍເຄີ້ ຮອງຫົວຫນ້າກົມປ່າໄມ້ແຫ່ງຊາດຈີນກ່າວວ່າ, ລັດຖະບານຈີນເອົາໃຈໃສ່ໃນລະດັບສູງນຳການສ້າງສາຊີວະພາບແລະການປົກປ້ອງທຳມະຊາດ,ພະ ຍາຍາມໃຫ້ກາຍເປັນປະເທດທີ່ມີສິ່ງແວດລ້ອມທຳມະຊາດທີ່ດີງາມໃນປີ 2020.
ທ່ານກ່າວວ່າ, ເພື່ອບັນລຸເປົ້າຫມາຍດັ່ງກ່າວ, ຈີນຈະເພີ່ທະວີການສ້າງສາຊີວະພາບທີ່ຖືການປູກຕົ້ນໄມ້ໃຫ້ເປັນປ່າເປັນຫລັກ,ສືບຕໍ່ສ້າງໂຄງການຊີວະພາບຈຸດຫນັກຕ່າງໆໃຫ້ດີເຊັ່ນ:ປົກປ້ອງປ່າໄມ້ທຳມະຊາດ ປູກໄມ້ໃຫ້ເປັນປ່າຄືນໃຫມ່ໃນເນື້ອທີ່ເຄີຍສັບສ່າວເປັນນາສວນ,ປ້ອງກັນການຫັນເປັນທະເລຊາຍແລະອື່ນໆກພ້ອມກັນນັ້ນກໍ່ເພີ່ມທະວີການປົກປ້ອງແລະຄຸ້ມຄອງປ່າໄມ້,ຮັກສາຊີວະນາໆພັນຢ່າງເຂັ້ມງວດ,ສ້າງວັດທະນະທຳຊີວະພາບໃຫ້ດີ.
ຫນ້າທີ່ສຳຄັນແລະເປົ້າຫມາຍຂອງຈີນໃນການສ້າງເປັນປະເທດທີ່ມີຊີວະພາບທີ່ດີງາມກໍ່ຄື:ເມື່ອຮອດປີ 2020, ອັດຕາປົກຫຸ້ມດ້ວຍປ່າໄມ້ບັນລຸເຖີງ 23% ຂຶ້ນໄປ,ຈຳນວນເຂດປົກປ້ອງທຳມະຊາດມີປະມານ 2300 ບ່ອນ, ກວມ 14,5% ຂອງເນື້ອທີ່ທັງຫມົດໃນທົ່ວປະເທດຈີນ.
|
|
