|
ຕາມຂ່າວສານຊິນຮວາ:ວັນທີ4ທັນວານີ້,ສະພາບັນດິດວິທະຍາສາດສັງຄົມຈີນໄດ້ປະກາດ"ປື້ມປົກສີຟ້າເສດຖະກິດ"ໂດຍຄາດຄະເນວ່າ,ຈັງຫວະເຕີບໂຕຂອງGDPຈີນໃນປີ2007ຈະສູງກວ່າລະດັບຂອງປີກາຍນີ້,ຄືມີຮອດ11,6%.
"ປື້ມປົກສີຟ້າ"ຊີ້ອອກວ່າ,ປີ2007,ຈີນສືບຕໍ່ເພິ່ມທະວີແລະປັບປຸງການດັດສົມມະຫາພາກ,ເຮັດໃຫ້ເສດຖະກິດເຕີບໂຕຢ່າງວ່ອງໄວ.ເມື່ອເບິ່ງຈາກສະພາບລວມແລ້ວ,ເສດຖະກິດແຫ່ງຊາດແລະສະຖານະການການພັດທະນາສັງຄົມໄດ້ຮັກສາທ່ວງທ່າອັນດີງາມ. ແຕ່ ນັບແຕ່ໄຕມາດທີ2ປີ2007ມານີ້,ທ່າອ່ຽງທີ່ເສດຖະກິດຈີນຫັນຈາກອ່າວໄວເປັນໄວເກີນໄປນັ້ນໄດ້ເດັ່ນຊັດຕື່ມອີກ.
"ປື້ມປົກສີຟ້າ"ຊີ້ອອກວ່າ,ຍ້ອນວ່າເສດຖະກິດມະຫາພາກຮັກສາເຕີບໂຕຢ່າງໝັ້ນທ່ຽງແລະວ່ອງໄວ,ລາຍໄດ້ປະຊາຊົນໃນຕົວເມືອງ ແລະ ຊົນນະບົດກໍ່ຈະສືບຕໍ່ເພິ່ມຫຼາຍຂຶ້ນອ່າວໄວ,ປີ2007,ລາຍໄດ້ສະເລ່ຍຂອງປະຊາຊົນໃນຕົວເມືອງຈະເພິ່ມຂຶ້ນປະມານ12,5%,ສູງກວ່າລະດັບການເພິ່ມຂຶ້ນຂອງ2ປີກ່ອນ,ຈັງຫວະເພິ່ມຂຶ້ນຂອງລາຍໄດ້ສະເລ່ຍຕໍ່ຫົວຄົນຂອງຊາວກະສິກອນຈະຮອດປະມານ8,5%,ລະດັບເພິ່ມຂຶ້ນກໍ່ສູງກວ່າ2ປີກ່ອນ.
"ປື້ມປົກສີຟ້າ"ຊີ້ອອກວ່າ,ການໄດ້ປຽບດຸນການຄ້າກັບຕ່າງປະເທດແລະ ຄັງສຳຮອງເງິນຕາຕ່າງປະເທດຂອງຈີນສືບຕໍ່ເພິ່ມຂຶ້ນຢ່າງວ່ອງໄວ.ຄາດວ່າ,ການໄດ້ປຽບດຸນການຄ້າກັບຕ່າງປະເທດໝົດປີ2007ຈະຫຼາຍກວ່າປີ2006,ມີປະມານ260ຕື້ໂຕລາ,ທີ່ເປັນສະຖິຕິໃໝ່.
|
