|
ການປ້ອງກັນບໍ່ໃຫ້ເສດຖະກິດເຕີບໂຕໄວເກີນໄປແລະບໍ່ໃຫ້ມີໄພເງີນເຟີ້ຢ່າງເດັ່ນຊັດແມ່ນໜ້າທີ່ສຳຄັນອັນດັບໜຶ່ງຂອງການດັດສົມຄວບຄຸມມະຫາພາກຂອງຈີນ
cri
Author: MO
ຕາມຂ່າວCRI：ກອງປະຊຸມວຽກງານເສດຖະກິດສູນກາງຈີນໄດ້ຈັດຂຶ້ນຢູ່ປັກກິ່ງແຕ່ວັນທີ 3 ຫາວັນທີ 5 ທັນວານີ້. ທ່ານຫູຈີນທ່າວ ປະທານປະເທດຈີນໄດ້ຮ່ວມປະຊຸມທັງກ່າວຄຳປາໄສສຳຄັນ. ກອງປະຊຸມສະເໜີວ່າ, ການປ້ອງກັນບໍ່ໃຫ້ເສດຖະກິດເຕີບໂຕໄວເກີນໄປແລະບໍ່ໃຫ້ມີໄພເງີນເຟີ້ຢ່າງເດັ່ນຊັດແມ່ນໜ້າທີ່ສຳຄັນອັນດັບໜຶ່ງຂອງການດັດສົມຄວບຄຸມມະຫາພາກຂອງຈີນ.
ກອງປະຊຸມສະເໜີວ່າ, ໜ້າທີ່ຕົ້ນຕໍຂອງວຽກງານເສດຖະກິດຈີນໃນປີໜ້າແມ່ນ: ບູລະນະແລະປະຕິບັດນະໂຍບາຍດັດສົມມະຫາພາກ, ຮັກສາທ່ວງທ່າດີທີ່ເສດຖະກິດພັດທະນາຢ່າງໝັ້ນທ່ຽງອ່າວໄວ. ຕ້ອງເອົາການປ້ອງກັນເສດຖະກິດເຕີບໂຕຈາກອ່າວໄວກາຍເປັນໄວເກີນໄປ, ປ້ອງກັນລາຄາແພງຂຶ້ນທີ່ມີລັກສະນະອົງປະກອບກາຍເປັນໄພເງີນເຟີ້ເປັນໜ້າທີ່ອັນດັບໜຶ່ງຂອງການດັດສົມມະຫາພາກ; ເພີ່ມທະວີຖານະພື້ນຖານຂອງກະສິກຳຢ່າງແທ້ຈິງ, ເພີ່ມພະລັງຊີວິດພັດທະນາກະສິກຳແລະເສດຖະກິດຊົນນະບົດ, ຍົກຄວາມສາມາດປະດິດສ້າງເປັນເຈົ້າຕົນເອງ, ຊຸກຍູ້ໃຫ້ອົງປະກອບອຸດສາຫະກຳດີຂຶ້ນ; ເພີ່ມຄວາມແຮງ, ຮັບປະກັນໃຫ້ການປະຢັດພະລັງງານແລະຫຼຸດການລະບາຍອາຍເຮືອນແກ້ວໄດ້ຮັບຄວາມຄືບໜ້າສຳຄັນ; ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ຊຸກຍູ້ຄວາມປອງດອງກັນໃນສັງຄົມ.
ກອງປະຊຸມຍັງສະເໜີວ່າ, ຕ້ອງຍົກລະດັບເສດຖະກິດແບບໄຂປະຕູ, ຕ້ອງນຳໃຊ້ທຶນຕ່າງປະເທດເປັນຢ່າງດີ, ປະດິດສ້າງວິທີການລົງທືນແລະຮ່ວມມືກັບຕ່າງປະເທດ, ເພີ່ມທະວີການຮ່ວມມືເສດຖະກິດການຄ້າສອງຝ່າຍຫຼືຫຼາຍຝ່າຍ.
|
|
