|
ຈີນເຂົ້າຮ່ວມກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດດ້ວຍທ່າທີທີ່ມີລັກສະນະສ້າງສັນແລະຕັ້ງໜ້າ
cri
Author: MO
ຕາມຂ່າວCRI: ວັນທີ 6 ທັນວານີ້, ໃນກອງປະຊຸມຂ່າວທີ່ຈັດຂຶ້ນຢູ່ທີ່ປັກກິ່ງ, ທ່ານສິນກ່າງ ໂຄສົກກະຊວງການຕ່າງປະເທດຈີນກ່າວວ່າ, ຄະນະຜູ້ແທນຈີນພວມເຂົ້າຮ່ວມກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດ 2007 ທີ່ຈັດຂຶ້ນຢູ່ເກາະບາຫຼີແຫ່ງອິນໂດເນເຊຍດ້ວຍທ່າທີທີ່ມີລັກສະນະສ້າງສັນແລະຕັ້ງໜ້າ.
ທ່ານສິນກ່າງກ່າວວ່າ, ຝ່າຍຈີນເຫັນວ່າ, ການຮັບມືກັບການປ່ຽນແປງຂອງດິນຟ້າອາກາດເຊິ່ງເປັນບັນຫາທົ່ວໂລກນີ້, ບໍ່ຄວນຫ່າງເຫີນອອກຈາກສົນທິສັນຍາຂອບການປ່ຽນແປງຂອງດິນຟ້າອາກາດສະຫະປະຊາຊາດແລະອະນຸສັນຍາກຽວໂຕ, ກໍ່ບໍ່ໃຫ້ຝ່າຝືນຫຼືປະຖີ້ມຫຼັກການຂອງ"ໜ້າທີ່ຮັບຜິດຊອບຮ່ວມກັນແຕ່ມີຄວາມແຕກຕ່າງກັນ".
ທ່ານກ່າວເນັ້ນວ່າ, ປະເທດທີ່ພັດທະນາແລ້ວຄວນນຳໜ້າປະຕິບັດຕາມພັນທະທີ່ຫຼຸດການລະບາຍ, ໃຫ້ຄຳໝັ້ນສັນຍາບັນລຸຜົນເປັນຈິງ, ສະໜອງການສະໜັບສະໜູນດ້ານເງິນທຶນແລະເຕັກນິກແກ່ປະເທດທີ່ພວມພັດທະນາ, ຊ່ອຍປະເທດພວມພັດທະນາຍົກຄວາມສາມາດຮັບມຶກັບການປ່ຽນແປງຂອງດິນຟ້າອາກາດ, ພ້ອມກັນນັ້ນ, ປະເທດພວມພັດທະນາກໍ່ຕ້ອງອິງຕາມຍຸດທະສາດພັດທະນາແບບຍືນຍົງຂອງຕົນເອງເຂົ້າຮ່ວມການຮັບມືກັບການປ່ຽນແປງຂອງດິນຟ້າອາກາດຢ່າງຕັ້ງໜ້າ. ຈີນຈະອິງຕາມເງື່ອນໄຂຂອງຕົນ, ເພີ່ມທະວີການຮ່ວມມືກັບປະຊາຄົມໂລກ.
|
|
