|
ເວທີປາໃສສຸດຍອດກ່ຽວກັບການພັດທະນາຂອງຜະລິດຕະພັນກາຕູນແລະການເຕີບໃຫຍ່ຢ່າງແຂງແຮງຂອງຊາວໜຸ່ມເຍົາວະຊົນຂອງຈີນຄັ້ງທີ 2 ຈັດຂື້ນຢູ່ປັກກິ່ງ
cri
Author: mo
ຕາມຂ່າວສານຊີນຮວາ: ວັນທີ 6 ທັນວານີ້, ເວທີປາໃສສຸດຍອດກ່ຽວກັບການພັດທະນາຂອງຜະລິດຕະພັນກາຕູນແລະການເຕີບໃຫຍ່ຢ່າງແຂງແຮງຂອງຊາວໜຸ່ມເຍົາວະຊົນຂອງຈີນຄັ້ງທີ 2 ໄດ້ຈັດຂື້ນຢູ່ປັກກິ່ງ.
ໃນເວທີປາໃສດັ່ງກ່າວ, ທ່ານຈຽງເຈີ້ງຮວາ ຮອງປະທານສະພາປະຊາຊົນແຫ່ງຊາດຈີນຊີ້ອອກວ່າ, ການຈັດເວທີປາໃສຂັ້ນສຸດຍອດ ກ່ຽວກັບການພັດທະນາຂອງຜະລິດຕະພັນກາຕູນແລະການເຕີບໃຫຍ່ຢ່າງແຂງແຮງຂອງຊາວໜຸ່ມເຍົາວະຊົນຈີນມີຄວາມໝາຍຕົວຈິງຫຼາຍ, ແມ່ນມາດຕະການສຳຄັນທີ່ຊຸກຍູ້ຜະລິດຕະພັນກາຕູນພັດທະນາແລະຍົກພະລັງອ່ອນດ້ານວັດທະນະທຳແຫ່ງຊາດໃຫ້ສູງຂຶ້ນ. ທ່ານກ່າວເນັ້ນວ່າ, ວົງການກາຕູນແລະພາກສ່ວນທີ່ຄຸ້ມຄອງຕ້ອງກຳໂອກາດທີ່ດີທີ່ວັດທະນະທຳຈີນພັດທະນາໄວແລະຈະເລີນຮຸ່ງເຮືອງ, ແລ້ວເກີດເປັນກະແສພັດທະນາວັດທະນະທຳກາຕູນ, ເພີ່ມທະວີວຽກງານໃນດ້ານຕ່າງໆເຊັ່ນເນື້ອໃນ ການບຸກເບີກຕະຫຼາດ ແລະນະໂຍບາຍສິ່ງແວດລ້ອມເປັນຕົ້ນ, ສ້າງປະເທດຈີນໃຫ້ເປັນປະເທດທີ່ມີຊື່ສຽງໃນດ້ານກາຕູນ.
|
|
