|
ຕາມໜັງສືພິມເຢິນມິນຢື້ປ້າວ,ໃນກອງປະຊຸມສົນທະນາຂອງຫົວໜ້າພະແນກລາຄາສິນຄ້າທົ່ວປະເທດຈີນທີ່ຈັດຂຶ້ນໃນວັນທີ9ທັນວານີ້,ທ່ານປີ້ຈິງສວນ ຮອງປະທານຄະນະກຳມະການການພັດທະນາແລະການປະຕິຮູບແຫ່ງລັດຈີນກ່າວວ່າ,ຍ້ອນວ່າສິນຄ້າຂຶ້ນລາຄາໃນປີນີ້ສ້າງຜົນສະທ້ອນອ່າວຫຼາຍຕໍ່ລາຄາສິນຄ້າໃນປີໜ້າ,ບວກກັບຜົນກະທົບຈາກປັດໄຈຕ່າງໆເຊັ່ນລາຄາຂອງສິນຄ້າລາຍໃຫຍ່ໃນຕະຫຼາດສາກົນແພງຂຶ້ນເປັນຕົ້ນ,ລະດັບລວມຂອງລາຄາສິນຄ້າໃນປີໜ້າຍັງອາດຈະເພີ່ມຂຶ້ນ,ແຕ່ກໍຍັງມີເງື່ອນໄຂທີ່ມີຜົນດີຫຼາຍຢ່າງທີ່ເຮັດໃຫ້ລະດັບລວມຂອງລາຄາສິນຄ້າໝັ້ນທ່ຽງໂດຍພື້ນຖານເຊັ່ນ,ຈີນໄດ້ຮັບຜົນຜະລິດທັນຍາຫານອຸດົມສົມບູນໃນຫຼາຍປີລຽນຕິດ,ການສະໜອງວັດສະດຸສຳຄັນພຽງພໍ,ການເງິນຂອງລັດມີຢ່າງພຽງພໍ,ຈີນປະຕິບັດນະໂຍບາຍການເງິນຢ່າງໜັກແໜ້ນແລະນະໂຍບາຍເງິນຕາຢ່າງເຄັ່ງຄັດເປັນຕົ້ນ.ເມື່ອໄດ້ທຳຄວາມພະຍາຍາມແລ້ວ,ກໍສາມາດບັນລຸເປົ້າໝາຍທີ່ປ້ອງກັນບໍ່ໃຫ້ມີໄພເງິນເຟີ້ຢ່າງເດັ່ນຊັດ.
ທ່ານປີ້ຈິງສວນກ່າວວ່າ,ປີໜ້າ,ພາກສ່ວນຮັບຜິດຊອບລາຄາສິນຄ້າທຸກຂັ້ນຂອງຈີນຈະສຸມກຳລັງເຂົ້າໃນການຄວບຄຸມບໍ່ໃຫ້ລະດັບລວມຂອງລາຄາສິນຄ້າເພີ່ມຂຶ້ນໄວເກີນໄປ,ເຮັດວຽກງານຄຸ້ມຄອງລາຄາສິນຄ້າກະສິກຳໃຫ້ດີ,ແກ້ໄຂບັນຫາລາຄາສິນຄ້າກ່ຽວກັບຊີວິດການເປັນຢູ່ຂອງປະຊາຊົນເຊັ່ນການປິ່ນປົວ,ຢຸກຢາ,ການສຶກສາ,ທີ່ດິນແລະເຮືອນຢູ່ເປັນຕົ້ນ,ເພື່ອປ້ອງກັນໄພເງິນເຟີ້.
|
