|
|
 |
| (GMT+08:00)
2007-12-10 15:10:33
|
 |
|
ກິດຈະກຳແລກປ່ຽນການທ່ອງທ່ຽວ3ໝື່ນຄົນຈີນຍີ່ປຸ່ນສິ້ນສຸດລົງດ້ວຍຜົນສຳເລັດອັນຈົບງາມ
cri
ຕາມໜັງສືພິມເຢິນມິນຢື້ປ້າວສະບັບຕໍ່ຕ່າງປະເທດ,ກິດຈະກຳແລກປ່ຽນການທ່ອງທ່ຽວ3ໝື່ນຄົນຈີນຍີ່ປຸ່ນເພື່ອລະລຶກສາຍສຳພັນທາງການທູດລະຫວ່າງຈີນຍີ່ປຸ່ນຫັນເປັນປົກກະຕິຄົບຮອບ35ປີໂດຍມີກົມທ່ອງທ່ຽວແຫ່ງຊາດຈີນແລະກະຊວງທີ່ດິນແລະຄົມມະນາຄົມຍີ່ປຸ່ນຮ່ວມກັນຈັດຂຶ້ນນັ້ນໄດ້ສິ້ນສຸດລົງດ້ວຍຜົນສຳເລັດອັນຈົບງາມຢູ່ທີ່ປັກກິ່ງໃນຫວ່າງມໍ່ໆນີ້.
ກິດຈະກຳດັ່ງກ່າວໄດ້ດຳເນີນແຕ່ເດືອນກັນຍາຮອດເດືອນພະຈິກແລ້ວນີ້,ເນື້ອໃນແມ່ນຕົວເມືອງຂອງຈີນແລະຍີ່ປຸ່ນຈັດກິດຈະກຳແລກປ່ຽນຢ່າງມີໄມຕີຈິດລະຫວ່າງນັກທ່ອງທ່ຽວທຳມະດາ.
ຂ່າວແຈ້ງວ່າ,ນັບແຕ່ສາຍສຳພັນທາງການທູດລະຫວ່າງຈີນກັບຍີ່ປຸ່ນຫັນເປັນປົກກະຕິ35ປີມານີ້,ກິດຈະກຳແລກປ່ຽນລະຫວ່າງປະຊາຊົນໂດຍແມ່ນການທ່ອງທ່ຽວເປັນຕົ້ນຕໍນັ້ນໄດ້ເພີ່ມຂຶ້ນຄູ່ປີ.ຍີ່ປຸ່ນໄດ້ກາຍເປັນປະເທດທີ່ມີນັກທ່ອງທ່ຽວຫຼາຍກວ່າໝູ່ມາທ່ຽວຢູ່ຈີນໃນຫຼາຍປີລຽນຕິດ.ແຕ່ເດືອນມັງກອນຮອດເດືອນຕຸລາປີນີ້,ນັກທ່ອງທ່ຽວຍີ່ປຸ່ນທີ່ມາທ່ຽວຢູ່ຈີນໄດ້ບັນລຸ3ລ້ານ3ແສນ2ໝື່ນເທື່ອຄົນ,ເພີ່ມຂຶ້ນ8%ເມື່ອທຽບໃສ່ໄລຍະດຽວກັນຂອງປີກາຍ.ປະຊາຊົນຈີນໄປທ່ຽວຍີ່ປຸ່ນມີ1ລ້ານ2ແສນ5ໝື່ນເທື່ອຄົນ,ເພີ່ມຂຶ້ນເກືອບ15%ເມື່ອທຽບໃສ່ໄລຍະດຽວກັນຂອງປີກາຍ.ສອງປະເທດຈີນຍີ່ປຸ່ນໄດ້ເຂົ້າສູ່ໄລຍະແລກປ່ຽນດ້ານການທ່ອງທ່ຽວຢ່າງຟົດຟື້ນ.
|
|
|
