|
|
 |
| (GMT+08:00)
2007-12-11 09:49:51
|
 |
|
ຈີນຈະເນັ້ນການເຮັດວຽກປ້ອງກັນແລະຄວບຄຸມພະຍາດໄຂ້ຫວັດສັດປີກຂອງແຂວງພາກໃຕ້ໃຫ້ດີ
cri
ຕາມຂ່າວສານຊິນຮວາ,ໃນກອງປະຊຸມທີ່ກ່ຽວຂ້ອງທີ່ຈັດຂຶ້ນຢູ່ປັກກິ່ງໃນວັນທີ10ທັນວານີ້,ທ່ານອິນເສິງເຈ ລັດຖະມົນຕີຊ່ວຍວ່າການກະຊວງກະສິກຳຈີນກ່າວວ່າ,ຈີນຈະເນັ້ນການເຮັດວຽກງານປ້ອງກັນແລະຄວບຄຸມພະຍາດໄຂ້ຫວັດສັດປີກຂອງແຂວງພາກໃຕ້ໃຫ້ດີ.
ທ່ານອິນເສິງເຈກ່າວວ່າ,ປີນີ້, ພະຍາດໄຂ້ຫວັດສັດປີກໄດ້ຫຼຸດໜ້ອຍລົງຢ່າງເດັ່ນຊັດ,ແຕ່ຍັງມີຄວາມອາດເປັນໄປໄດ້ຫຼາຍທີ່ເຂດສ່ວນໜຶ່ງຈະເກີດພະຍາດໄຂ້ຫວັດສັດປີກໃນຍາມລະດູໜາວແລະລະດູໃບໄມ້ປົ່ງ,ແຫ່ງຕ່າງໆຕ້ອງເພີ່ມຄວາມເຂັ້ມງວດຂອງມາດຕະການປ້ອງກັນແລະຄວບຄຸມສັງລວມໂດຍມີການສັກຢາປ້ອງກັນເປັນຕົ້ນຕໍ.
ໄລຍະມໍ່ໆມານີ້,ກະຊວງສາທາລະນະສຸກຈີນໄດ້ແຈ້ງໃຫ້ຊາບວ່າສອງຄົນຕິດພະຍາດໄຂ້ຫວັດສັດປີກປະເພດຮ້າຍແຮງທີ່ຢູ່ແຂວງຈ່ຽງຊູ ພາກຕາເວັນອອກສຽງໃຕ້ຂອງຈີນ.ນີ້ແມ່ນເທື່ອທຳອິດທີ່ຈີນມີຜູ່ຕິດພະຍາດໄຂ້ຫວັດສັດປີກປະເພດຮ້າຍແຮງນັບແຕ່ເຂົ້າສູ່ລະດູໜາວປີນີ້ມາ.ໃນນັ້ນ,ມີຜູ່ໜຶ່ງເສຍຊີວິດ,ອີກຜູ່ໜຶ່ງມີອາການໄຄຂຶ້ນ.
|
|
|
